Ամարանոց Բիւզանդեան

 

234

ԸզՊալթա լիման ` տեսլեամբ հեշտալին,

մի ինչ ըստ տեսլեան ` դատեր ըզներքին,

զի այն քաղցրասիւգ ` հնչիւն հիւսիսին,

չընտրեաց ըզսա վայր ` իւր ճեմարանին:

 

235

՚Ի կրկին հովիտս ` ձգի դիրք սորին,

¹ Քիմարրուս գետակ ` ՚ի մեծի հովտին,

լերինք վերամբարձք ` յորս են հանք քարին,

այլ առ ծովեզրին ` ունի դաշտ դիւրին:

 

236

Պարծանք ոչ պարսաւ ` մի եւ նոյն երկրին,

բազմաց լինել մայր ` արգասեաց սեռին,

² օգտաբեր մարդոյ ` լսել առ վայրին,

զձայն երկրագործին ` զձայն քարագործին:

 

237

Այն Սիւլէյման պէկ ` այն Պալթա օղլին,

Գափուտան փաշայ ` Ֆաթիհ մէհմէտին,

զիւր նաւատորմիղ ` յայս կազմեալ տեղին,

առիթ ետ անուան ` Պալթա լիմանին:

 

238

Փոխեալ զանուն հին ` յունական ազգին,

³ որք Նաւահանգիստ ` կանանց կոչէին,

նաեւ Ֆիտալիա ` ծոց անուանէին,

յանուն Ֆիտալիա ` ժայռի, ՚ի ծովին:

 

239

Զոր Պոսիդոնի ` գործեալ ասէին,

դստեր Վարվիսսեայ ` շիրիմ ծովային,

որով իմասցիս ` զբռնութիւն ծովին,

զհերձուլ ցամաքին ` զանջատել ժայռին:

 

240

Յետ ժամանակաց ` զայս ծոց ձայնէին,

⁴ Սառանդագօբա ` յանուն կամրջին,

՚ի բարձրածայրին ` յապառաժ լերին,

երեւի շինուած ` քակեալ ըստ մասին:

 

241

Գուցէ կարծեսցես ` հետք հին մեհենին,

դիցըն եգադեայ ` տիկնոջ գեհենին,

այլ զայն յուզեսցես ` յետ քիբարօտին,

կանգնեալ ՚ի վիմի ` առ ծովեզերին:

 

242

՚Ի ըսքանչելեաց ` սակի պատմէին

բան առ առաջինս ` որպէս յառածին,

նաւուց ընթանալ ` վերայ ցամաքին,

ցամաքի զգենուլ ` զլուծութիւն ծովին:

 

243

Այլ քեզ ստուգէ ` Պալթա Լիմանին,

զանիւս զմեքենայս ` մի միայն ձեռին,

որք ըզնաւս ընդ հող ` առագաստեցին,

⁵ ճարպով ըզցամաք ` ՚ի հեղուկ լուծին:

 

244

Զիա՞րդ հակառակ ` յարեայց պատմողին

յորժամ տեսանեմ ` ըզճիգն մարդկային,

զոյժ հողմոյ եւ զաջ ` մեքենականին,

ժողովեալ վճռեալ ` առնել զոր կամին:

 

245

Յորժամ ես գիտեմ ` զգործ մեքենային,

մի միայն կարօղ ` ՚ի յանկարելին,

վերշարժիչ նաեւ ` համայն աշխարհին,

թէ յայլ աշխարհէ ` անիւք իւր շարժին:

 

246

Ո՞ւր, մինչ տեսանեմ ` զայն գիւտ մարդկային,

որ առանց անուոյ ` առանց պարանին,

շարժէ զիւր ինքըն ` անշարժ իւր մարմին,

ճանապարհ առնէ ` առանց ինչ քայլին:

 

247

Քըսան երեսուն ` հնդկօք ձեռագրին,

ըզթուղթըն գործէ ` պատկեր իւր անձին,

յանթիւ վայր յղէ ` զինքն ըզթուելին,

յաւիտեան գործէ ` զինքն ըզցնդելին:

 

248

Հարկն է առաջնորդ ` այսպիսեաց ձեռին

բընական գործէ ` զայն որ սքանչելին,

հարկն եցոյց ըզգիւաս ` որք վերնոց թուին,

դիցազանց մատանց ` գործ գերանհամհին ։