Ամարանոց Բիւզանդեան

249

Եմիրկիուն օղլին ` օդով հեշտալին,

գալ հըրաւիրէ ` ըզքեզ ՚ի զընին,

նո ' ր է իւր մզկիթ ` նո ' ր եւ բաղանին

նո ' ր եւ իւր կրպակք ` շինուածք Համիտին:

250

Նախ ՚ի հիսար էր ` տուն մաքսապետին,

նաւուց իջելոց ` ընդ ծով Պոնտոսին,

այլ սուլդան Համիտ ` զարդարօղ սորին,

անտի աստ փոխեաց ` ըզկայան մաքսին:

251

Կալուած հաստատեաց ` իւր իմարէթին,

չքնաղագունի ` ՚ի մէջ քաղաքին,

այլ է գեղեցիկ ` գործ հանճարեղին,

որոյ գործ ընդ գործ ` կարգին կապակցին:

252

Են անուանք տեղեաց ` ընդ ոլորտ երկրին,

որոց անուանք են ` մատեանք պատմագրին,

կամ զշինօղ նորին ` կամ զդիպուած ինչ հին,

յիշեն քանդակեն ` սուղ Սողոբային:

253

Թէ յածեալ է քո ` ՚ի գիրս պատմագրին,

մեր առաքելին ` կամ բընիկ ազգին,

յուշ ածեալ գտցես ` ըզպատճառ ձայնին,

որով Էմիրկիուն ` ըզսա կոչեցին:

254

Առեալ զերեւան ` չորրորդ միւրատին,

¹ եւ ըզնորին խան ` զԷմիրկուն օղլին,

ածեալ ՚ի քաղաքս ` անուամբ փաշային,

կալուած ետ նմա ` զայս պայծառ տեղին:

255

Որով Էմիրկիուն ` կոչեցաւ տեղին,

Ֆէրիտուն փաշա ` կոչեցեալ նախկին,

այլ Քիբարո ' տիս ` ՚ի նախնագունին,

յանուանէ նոճեաց ` յոյնք անուանէին:

256

Զոր Դըռիվիա ` յետինք ձայնեցին,

զսահման ծովեզրին ` մինչ յիսթենեացին,

լատին մականուամբ ` եգագեայ բագնին,

վասըն կանգնելոյ ` զարձան յեռուղին: