Ամարանոց Բիւզանդեան

 

514

Եըլտըրըմ ձայնեալ ` Պայէզիտ նախկին,

շինօղ ամրոցիս ` որ առ ծովեզրին,

¹ կամ թէ նորոգիչ ` եւ առօղ նըմին,

երբ հաս գոռալով ` տիրել բիւզանդին:

 

515

Զրկեալ յերեսաց ` հողմոյ հիւսիսին,

տըխուր երեւի ` ամարանոցին,

ոչինչ յաճախեալ ` անդ քաղաքացին,

բայց լի բընակչօք ` իւր Սեփհականին:

 

516

Ոչ ամարանոցք ` եւեթ քեզ պատմին,

այլ եւ բերդք ամրոցք ` յամարանոցին,

մին յՈւռումէլին ` մին յԱսիային,

յաջմէ յահեկէ ` պահնակք երկոքին:

 

517

Հեգնէ ըզբանիւք ` մերոյ գովեստին,

օտարականն այն ` բընակիչ լերին,

որ ըզշուք գովեստ ` ամարանոցին,

դընէ սոսկ եւեթ ` ՚ի դաշտ ՚ի լերին:

 

518

Ծիծաղի զդաշտիւք ` մերոյ նեղուցին,

բզջըրովք լերամբք ` մրք ստորագրին,

ըզգետ ըզհովիտ ` իւրոյ գաւառին,

իբրեւ մի միայն ` դընէ յաշխարհին:

 

519

Այլ մի ' դժգմընիր ` ընդ դատումն նորին,

դու որ ընդ պէսպէս ` շրջիս կողմ երկրին,

զայս ախտ թիւր դատման ` սրտի բընածին,

սեփհական դրեա ` բոլոր բընակչին:

 

520

Են ինչ օտարին ` որք հաճոյ թուին,

են ինչ որք առ մեզ ` անհաճոյ բերին,

տեղի բընական ` քաղաք հայրենին,

մերն է մեզ հաճոյ ` անհաճ օտարին:

 

521

Ես զայս սէր գըրեմ ` ծածուկ այն ձեռին,

իմաստուն կարգաց ` արարչապետին,

թէ այս սէր տեղւոյ ` առ ՚ի մէնջ բարձցին,

բարձցին շինութիւնք ` եւ համայն երկրին:

 

522

Թափուր մընասցի ` այրեցած գօտին,

որոյ օդ երկինք ` տանիք հընոցին,

թափրասցի լքցի ` եւ այն ցուրտ գօտին,

որոյ տուն քաղաք ` դարան սառուցին:

 

523

Հարկ էր զիւր դատումն ` ուղղել ըստ կարգին,

զմեր նեղուց կարգել ` վեր Ք զիւր երկրին,

յորում միանայ ` ծով ընդ ցամաքին,

միանայ դիւրին ` ընդ զուարճալին:

 

524

Դաշտ մեր անձկագոյն ` իւրոյ սահմանին,

ջուր մեր փոքրագոյն ` իւր գետոյն մեծին,

բայց իւր վայր անտես ` երեսաց ծովին,

անտես դիւրութեան ` եւ բարեաց նորին:

 

525

Ո ' չ մեծամեծաց ` այլ բազմաց ձկտին,

հաճոյք մեր աչաց ` ախորժակք սրտին,

փոքունք այլ բազումք ` տեսիլք աստ ծածկին,

մեծամեծք այլ սուղք ` անդ յիւր աշխարհին:

 

526

Ե ' լ դու յառաջ անց ` ՚ի ծոց Քեօրֆէզին,

սիրելի երբեմն ` սուլդան Մահմուտին,

զոր Գիգօնիոս ` նախնիք կոչէին,

ապա Գօրմիոս ` յետագայք նոցին:

 

527

Ուր էր մենաստան ` միանձանց ուխտին,

շըքեղ վայելուչ ` ՚ի մէջ իւր հովտին,

զորոյ բարեդիր ` վայր ծովածոցին,

² նոքին յետագայք ` Մանօլ ձայնէին:

 

528

՚Ի յաջակողմն անդ ` սորին Քեօրֆէզին,

տեսցես հին պալատ ` արքունականին,

ուր եւ աւազան ` մեծ եւ ահագին,

տեղի Պինիշի ` սուլդան Մահմուտին: