Ամարանոց Բիւզանդեան

529

Իսքէնտէր փաշայ ` Օզու քաղաքին,

¹ շինեաց ըզմզկիթ ` ՚ի գանլըճային,

անդ ըզդպրատուն ` առընթեր նըմին,

եւ ըզմէտրէսէ ` եւ ըզբաղանին:

530

Նաւզիմաքիում ` նախնիք կոչեցին,

² որ նաւամարտիկ ` բերի ըստ ձայնին,

զայն ՚ի Գանլըճա ` անուն փոխեցին,

որ արիւնըռուշտ ` լըսի եւ տաճկին:

531

Իսկ Լիգատիօն ` զսար մօտակային,

³ կամ Գիգլատիօն ` նախնիք կոչեցին,

զոր յետնոց փոխեալ ` յանուն Գլարին,

իսկ առ ՚ի տաճկաց ` յԻլարիէ պուռնին:

532

ԸզՉըպուգլույին ` զանուն առաջին,

հինք Գադանկիօն ` անուամբ կարդային,

զոր Գասդակիօն ` յետինք ձայնեցին,

ուր ջուրք բարեհամք ` յազբերէն հոսին:

533

՚ի դաշտավայրի ` առ ծովեզերին,

երեւի քակեալ ` պալատ արքունին,

ուր եւ փոքր անտառ ` նախնի պարտիզին,

որ որսարան էր ` նախնեաց արքային:

534

Ըզկընի ծոցոյս ` հարաւոյ մասին,

Քիւչիւք չըպուգլու ` ձայնեալ ըստ տաճկին,

ուր երրեակ կանգնեալ ` շինուածք ահագին,

՚ի մացառախիտ ` յանկիւն պարտիզին:

535

Անդ էր մենաստան ` անքուն կըրօնին,

⁴ զոր Ագիմիդի ` յոյնք անուանէին,

⁵ Աղէքսանդր անուն ` վանահայր նախկին,

հիմնադրօղ սորին ` թաղեալ ՚ի սըմին: