Հայերէն Յիշատակարաններ

ՏՈՆԱՑՈՅՑ ԵՒ ՄԱՆՐՈՒՍՄՈՒՆՔ

Երուսաղէմ 1742

Գրիչ` Մկրտիչ

ա

  Քրիստոս աստուած ի միւսանգամ գալստեան քո եւ յարութեան մերոյ յիշեա զբազմամեղ գրողս` զՄկրտիչ սուտանուն աբեղա, եւ պայծառացս զմարմին խոնարհութեան մերոյ ըստ նմանութեան փառաց քոց եւ որ զամար հանդիսին, ամէն:

բ

  Զստացող եղանաաւոր տառիս զՄկրտիչ կրաւնաւորս եւ զՅակոբ վարդապետն` զքաղցր երգող երաժիշտ մեծ փիլիսոփայն, որ զօրինակն շնոհեաց, յիշեցէք ի մաքրափայլ յաղաւթմ ձեր զնոսին եւ զծնողքն իւրեանց. եւ որ առատն է ի տուրս բարեաց` տացէ զանսպառ ուրախութիւնն, ամէն, եղիցի, ընդ նմին եւ մեղապարտ գրչիս:

գ

  Ի ծննդենէն Քրիստոսի մինչեւ առ մեզ, որ է թվ. ՊԾԵ. (1406):

ԱՍՏՈՒԱԾԱՇՈՒՆՉ

Երեւան 178

Գրիչ` Յակոբ Ղրիմեցի

  ԶՅակոբ Ղրիմեցիս զսիրող բանի, զսակաւ բանիս նշանաւոր եւ պիտանի, որ համառօտեցի յերկրորդ Մակաբայեցոց, զի լինիցի արձեռն պատրաստ, աղաչեմ յիշել ի տէր, եւ դուք յիշեալ լիջիք ի նմանէ ամմէն: Ի թվ. Հայոց ՊԾԵ. (1406):

ԺՈՂՈՎԱԾՈՅ

Երեւան 2496

Գրիչ` Մանուէլ վայր` Բջնի

  Զանարժանս ի բարեաց եւ զանզեղջս ի չարեաց, զհանդիպողս այսմ հայրէնաւան[դ] եւ կանոն[ա]կան սահմանադրութեանս, զտէր Մանուէլ նուսատ եպիսկոպոս Բըջնո եւ Այրարատեան նահանգի յիշեսջիք ի մաքրափայլ յաղոթս ձեր, որով եւ դուք յիշեալ լիջիք ընդ սրբոցն` ի համագումար հանդիսին, ամէն:

Թվին ՊԾԵ. (1406):

ԺՈՂՈՎԱԾՈՅ

Երեւան 4066

Հետ. ստացող` Ենովք

Վայր` Պղնծայգոյ անապատ

  Յանուն ամենակալին աստուծոյ հօր եր հոգւոյն սրբոյ. նուաստ Ենովք աբեղայս ի Պղնծայգոյ անապատէն գնեցի զսուրբ տառս, որ է տեսութիւն Սաղմոսին եւ Երեմիայի եւ Երգ երգոցին` մի մեկնիչ եւ այլ բազում զանք պիտանիք եւ աւգտակարք: Արդ, ստացայ ի հալալ արդեանց իմոց յիշատաը ինձ եւ եղբարց իմոց եւ ծնողաց իմոց, զի որքան կենդանի ամ` ես վայելեմ, եւ յետ մահուանն իմոյ կրսեր եղբորն իմ եղիցի` Ստեփանոսին:

Արդ, որք օգտիք ի սմանէ ուսմամբ կամ օրինակելով` յիշեցէք զվերոյստացեալ վերստին ստացող սորայ զԵնովի աբեղայն եւ զիւրսն ամենայն, եւ դուք յիշեալ լիցիք ի Քրիստոսէ աստուածոյ մարոյ, որ է աւրհնեալ յաւի[տեան], ամէն:

Ի թվ. ՊԾԵ. (1406), յունիս ամսոյ ի ԺԴ. (14):