Հայերէն Յիշատակարաններ

ՃԱՇՈՑ

Բ. Կիւլէսէրեան, Ցուցակ Անկիւրիոյ, 162, սիւն, 814-815

Յիշատակագիր` Կարապետ երէց

Վայր` Ախքերման

… Արդ, ի թվաբերութեան Հայոց ի մեծ տաւմարիս ի ՊՃՁ. (1431) ամի բերեալ եղեւ գիրքս այս ի վաճառ ի յաշխարհս Օլախաց, ի քաղաքս որ կոչի Ախքերման:

Արդ, բարէպաշտ եւ աստուածասէր տանուտէրս այս պարոն Կարապետս ցանկացօղ եղեւ այս աստուածաշունչ մատենիս եւ գնէ զսայ ի հալալ արդեանցն ՌԲՃ. (1200) սպ[իտակ], եւ դրել է զսայ յիշատակ ի սուրբ Թորոս եկեղեցի` յիշատակ իւր հոգուն, եւ իւր ծնողացն պարոն պապին Բարելէ, եւ իւր հօրն պարոն Սարգսին, եւ իւր հօրեղբօրն պարոն Թօ րոսին, եւ իւր խաթուն մօրն Մամուշին, եւ իւր խաթուն կողակցին Կատարինէ, եւ իւր եղբօրն Յովանէսին, իւր որդուն պարոն Սիմօոնին, զոր տղա հասակօ փոխեցօ առ Քրիստոս, եւ միւս որդոյն Ցօլիշին, եւ իւր խաթուն դստերացն յԱզիզին եւ Էտիլ-մելիքին, եւ իւր քուրոչն Նինիֆորին, եւ Բաւմբաւսին, Մարտիրոսին, Գալուստին, եւ Յետկարին, եւ ամենայն արեան մերձաւորաց ողորմի Քրիստոս, ամէն:

Այլ աղաեմ ի խորոց սրտէ, քանզի տարին Բ. (2) անկնմ պարտին քահանայքն ընթեռնուլ զյիշատակ սուրբ գրոցս ի մեջ տեանի եկեղեցոյ, զի հոգի այնոցիկ, որ յիշատակեն սուրբ գրոցս, հանգեցին միով տէրողորմայիւ: Եւ դուք` աստուածասէր ժողովուրդք, մի զլանայք յիշել լի բերենու եւ կատարելով հօատով զյիշատակ սուրբ գրոցս, զպարոն Կարապետն, եւ իւր ծնաւղսն, եւ զեղբարսն, եւ զիւր զօակսն, եւ զամենայն զիւր արեան մերձօորս, զկենդանիս եւ հանգուցեալսն յիշել ի տէր, ամէն:

Այլ եւ յիշեցելոցդ եւ յիշեցաղս,

Եւ զյիշատակս ընթերցողաց,

Եւ բարէսէր ունկնդրողաց,

Ընդ յանքարին շնորհողաց`

Ժառանգեսցուք պարգեւք բարեաց,

Առ հասարակ տեառնէն բարեաց,

Արժանասցուք մասին շնորհաց

Հնուրց գոյից եւ ի մասանց,

Այժմ եւ յանկէտ ժամանակից, ամէն:

Կ րկին անկամ կու աղաչեմ,

Ա ռ հասարակ զեղբարս, ամէն:

Ր ամեալ սրտիվ պաղատելով.

Ա ղաչեցէք զտէր ողորմած

Պ արգեւք բարեաց պարգեւելով, զբիւր քանքար պարտսն թողլով:

Ե ս Կարապետ եւ անարժան սուտանուն եմ քահանայ:

Տ էր ողորմի մեղօ[ո]րիս եւ թողութիւն շնորհեսցէ,

Ե րանի թէ ինձ այդ լինէր`

Ր աբունին ինձ ողորմէր`

Ե րէց որդի զիս անուանէր

Ց նծայ ի յարկան եւ ուրախացնէր:

ՔԱՐՈԶԳԻՐՔ ԳՐԻԳՈՐԻ ՏԵԹԵՒԱՑԻՈՅ

Երուսաղէմ 569, Ն. Պողարեան, Ցուցակ Ե. էջ 111

Ի ՊՁ. (1431) թվին Աւթման պէկն էառ զՄերտին:

ՈՍԿԵՓՈՐԻԿ

Վիեննա 29 Տ. Տաշեան, Ցուցակ, էջ 171

Վայր` Մեծոփա վանք

Ի չքնաղ մատեանիս հին օրինակն գրեալ էր ի թուականութեանս Հայիոց ՊՁ. (1431)ին ի վանքս Մեծոփա, ընդ հովանեաւ սուրբ Աստուածածնին եւ սուրբ վարդապետաց գերեզմանացն: