Տաղեր

ՆՄԱՆԵՑԱՅ ՀԱՒԱԼԱՍԱՆ ԱՒԱ~Ղ, ԱՒԱ~Ղ

Նմանեցայ հաւալասան, աւա~ղ, աւա~ղ,
սիրահարեալ, նազելի, սիրոյդ աննման,
Ողորմելի անձն իմ տապի, աւա~ղ, աւա~ղ,
զքեզ տեսանել, նազելի, լալով դեգերի:

Րախճանական սիրոյ քոյին, աւա~ղ, աւա~ղ,
գերեալ եղեւ, նազելի, անձն իմ ցաւագին,
Ի մէջ ալեաց ծովու ծփիմ, աւա~ղ, աւա~ղ,
սաստիկ սիրով, նազելի՛, ես միշտ դեգերիմ:

Նետիւ հարայ յանկարծակի, աւա~ղ, աւա~ղ,
զհետ քոյին, նազելի, մինչ գալ կամէի,
Գնացք ոտից իմ կաղացան, աւա~ղ, աւա~ղ,
եւ եւս ի քէն, նազելի՛, յոյժ, յոյժ, հեռացայ:

Րոտմամբ սրտի անձն իմ թախծեալ, աւա~ղ, աւա~ղ,
մնաց կարօտ, նազելի՛, տեսոյդ գեղափայլ,
Ինձ բաց ի քէն ոչ ոք ունիմ, աւա~ղ, աւա~ղ,
ի սէր քոյին, նազելի՛, տապիմ եւ մաշիմ:

Գետք արտասուաց զիս ողողեն, աւա~ղ, աւա~ղ,
ի գուբ մահու, նազելի՛, զանձն իմ ընկղմեն:
Ուր եւ իցեմ զքէն խորհիմ, աւա~ղ, աւա~ղ,
զինչ եւ խօսիմ, նազելի՛, նախ ի քեզ հայիմ:

Րամեալ սէր քո զսիրտ իմ մաշեաց, աւա~ղ, աւա~ղ,
եւ բոց հրոյդ, նազելի՛, իսպառ զիս հալեաց:
Ի վախճանի զքեզ ո՛չ գտի, աւա~ղ, աւա~ղ,
ուր եւ իցես, նազելի՛, տէր ընդ քեզ լիցի: