Տաղեր

Խարանֆիլ, նարկիզ, մէնէւշէ, սունպուլ,
Կանչեմ անդադար ես իորպէս պուլպուլ,
Սարթաճս իմ ես դու, ա~խ, ղրմզի կուլ,
Սիրուդ եմ եղեր տիւանայ մէճնուն:

Այգունք զանազան ծաղկեալք ի գարուն,
Դեղին ՚ւ սպիտակ եւ այլ գունզգուն,
Դու կարմիր կանաչ, ա~խ, ղրմզի կուլ,
Սիրուդ եմ եղեր տիւանայ մէճնուն:

Չիկայ քեզ նման ծաղիկ պարտիզնուն
Եւ ոչ ի լեռներ, սարեր, դաշտերուն,
Աննման ծաղիկ, ա~խ, ղրմզի կուլ.
Սիրուդ եմ եղեր տիւանայ մէճնուն:

Ակունք մեծագին, պայծառ լուսագոյն,
Սպիտակ մարգարիտ ի մէջ սատաֆնուն,
Ալմաս ու ճօվհար, ա~խ, ղրմզի կուլ,
Սիրուդ եմ եղեր տիւանայ մէճնուն:

Տիգրիս եւ Գեհոն ու Եփրատ գետոյն,
Ելանէ սուտակ, ճօհար լոյս փայլուն,
Եանար նուր շէպ տաշ, ա~խ, ղրմզի կուլ.
Սիրուդ եմ եղեր տիւանայ մէճնուն:

Որպէս զարեգակն ի մէջ աստղերուն,
Լուսին ի լրման, աստեղ փայլածուն,
Մուշթար ու զօհալ, ա~խ, ղրմզի կուլ:
Սիրուդ եմ եղեր տիւանայ մէճնուն:

Իիւսեալ պաղատիմ ի քո արեւուն,
Դու ես վարդ պայծառ, ստեղծողդ ամենուն,
Ի յազգս մարդկան զհրեշտակս ի լուսուն,
Թռչունք եւ ծաղկունք, գազան ՚ւ անասուն:

Րոտեալ աղերսեմ, ես եմ ի խոր քուն,
Հաւասարեցայ ես մոխիր գետնուն,
Սարսափմամբ դողամ ես Ուռնայ կալուն,
Երթայք ի յինէն` ի քո ասելուն:

Էական Հօր Բանին, ծնօղ անճառուն,
Եղկելի, ակնարկեա քո բարեխօսուն,
Փրկել ի տանջանաց հրոյ գեհենուն
Եւ արժան առնելով Յիսուսի տեսուն: