Պատմութիւն Աղուանից աշխարհի

ԳԼՈՒԽ Բ
Գիր ազգաբանութեան Յաբեթի ծննդոցն

Աստանօր յայտարարութիւն սահմանացնՅաբեթի, եւ զազգաբանութիւն նորին գտցես յիւրումտեղւոջն։ Սահմանք Յաբեթի այս են, զոր Նոյ ետ բաժին. եւ երդումն իսկ պահանջեաց ի մէջ եղբարցն՝ չզրկելեղբարցն զմիմեանս. ի Մարաց մինչեւ ցԳադիրովն կողմնհիւսիսոյ եւ ցգետն Դկղաթ, որ մեկնէ ընդ Մարս եւ ընդԲաբելովն։ Եւ որդիք Յաբեթի՝ Գամեր, եւ ի նմանէԳամիրք. եւ ի նմանէ Կեղտք եւ Գաղատացիք. Մադա, եւ ինմանէ Մարք. Յաւան եւ ի նմանէ Հելլենք եւ Յոյնք. Թոբել, եւ ի նմանէ թետալք. Մոսոք, եւ նմանէԼուրիկացիք. Թիրաս եւ ի նմանէ թրակացիք. Քետին, եւ ինմանէ Մակեդոնացիք։ Եւ որդիք թիրասայ՝ Ասքանազ, եւի նմանէ Սարմատք եւ Րիփաթ եւ ի նմանէ Սաւրոմատք. Թորգոմ, եւ ի նմանէ Հայք։

Որդիք Յաւանայ՝ Եղիսա, եւ ի նմանէՍիկիլացիք եւ Աթենացիք. Թարշիշ, եւ ի նմանէ Վիրք եւՏիւրենացիք. եւ Կիտրիս, ուստի եւ՛ Հոռոմք, եւ՛Լատինացիք, եւ՛ Հռովդացիք։ Ընդամենայն ազգք ԺԵ։

Եւ ի սոցանէ ելին մեկնեցան կղզիքհեթանոսաց, որ են Կիպրացիք։ Ի Կիտիացւոց որդիքՅաբեթի, իսկ որ ի կողմանս հիւսիսոյ են, ազգակից ենԿիտիացւոցն, ուստի Աղուանք. եւ ազգք են, որ ի Հեղայսաշխարհի են յայնցանէ, որ յետոյ փոխեցան անդր, որպէսԱյետացիքն, որք բնակեալ են յԱթէնս քաղաքիպատուականն Յունաց եւ Թեբեացւոց։

Սիդոնացիք ելին պանդխտեցան, որ են իԿադմեայ որդւոյ Ագենովրայ. եւ Կարգեդովնացիք ենեկք ի Տիւրոսէ։ Իսկ ի խառնակել լեզուացն՝ ելին իՅաբեթէ ազգք հնգետասան, ի Մարաց մինչեւ ցՍպարիովն, որ ձգի ցովկիանոս եւ հայի ընդ հիւսիսի։ Այս է երկիրնոցա՝ Ատրպատական, Աղուանք, Ամազոնիա, Հայք Մեծ եւՓոքր, Կապադովկիա, Գաղատիա, Կողքիս, Հնդիկք, Բոսփորիա, Մեովտիս, Դեռիս, Սարմատիա, Տաւրինիս, Սաւրոմատէս, Սկիւթիա, Թրակէ, Մակեդոնիա, Դաղմատիա, Մովղիս, Թեսաղիս, Ղոկրիս, Բիովտիա, Հետաղիա, Ատտիկէ, Աքայիա, Պեղենիս, Ակարնէս, Հուպիրիստիմ, Ղիուրիա, Ղիքնիտիս, Ադրիակէ, յորմէ ծովն Ադրիական, Գալիա, Սպանւոյ Գալիա, Իբերիա, Սպանիա Մեծ։ Աստ կատարինսահմանք Յաբեթի մինչեւ ցկղզիսն Բրիտանիկեցւոց։ Եւհային ամենեքեան ընդ հիւսիսի։