Տաղեր

Սկսեալ ողբամ, թէ ինչ դարձայ,
Որ ի յուսոյն իմ հեռացայ,
Տէր կոչեցայ, անուանեցայ,
Անկեալ հիսուն` հասկացայ, հպարտացայ:

Աստ հեշտացայ եւ փափկացայ
Եւ բարձրացայ, ա'յ, սուտ խօսեցայ
Զվերջին բանին ոչ հայեցայ,
Ես մերժեցայ եւ զրկեցայ:

Րաբունից ոչ հաւանեցայ,
Ընդդէմ նոցա շատ խօսեցայ,
Գլորեցայ, գայթակղեցայ,
Անկեալ կորայ, կործանեցայ:

Գիր ընթերցայ եւ իմացայ,
Թափուրացայ, ունայնացայ,
Զկամք Տեառն անցայ եւ չկամեցայ,
Բազում գանի արժանացայ:

Ի մէջ մեղաց շաղախեցայ,
Ցանկացայ ես եւ կորացայ,
Զգործս ուրացայ եւ ընթացայ,
Ի գուբ մեղաց ընկղմեցայ:

Սուտ աշխարհիս հետ միացայ,
Եւ ի Տեառնէ խոտորեցայ,
Ինչպէս առնեմ, ինձ հազար վայ,
Լինի ինձ որպէս նոցա: