Նամակներ

42. [ՍՏԵՓԱՆ ՍԱՐԵԱՆԻՆ]

[22-24 ապրիլ, 1906, Կանտ]

Սիրելի մեծ Հայր,

Մեծ հաճոյքով քարտներիդ ստացայ. հայրական պատուէրնիդ յանձնած եմ Գրիգորին, որմէ ջերմ յարգանքներ։

Զատկական արձակուրդնիս լրացաւ։ Ունիմ մեծ վաքանս, յունիսի վերջին շաբթուն կը սկսուի եւ կը լրանայ հոկտեմբերի կէսերին։

Կու տամ ամսահաշիւս.

սենեակ, ճաշ, քարիւղ                         75

գիրք                                               8, 50

նամակ, քարտ                                   2, 50

լուացք                                           2, 10

թուղթ, մելան                                   — 50

կօշիկի նորոգում                               9

թատրոն                                         1

մանր-մունր                                     1

                                                    99-60

Խորին շնորհակալութեամբ «Արաքսին» երկու թիւերն ստացայ։

Շնորհակալութեամբ ստացայ «Շիրակի» երկու թիւերը ու կարդացի ի մէջ այլոց Ձեր գրած ծանուցումը «Սարսուռներուն» մասին։ Լոկ ծանուցում էր ան պիտի ըսէի՝ ըլլալով հատորին երեսագիրը, եթէ [չէր] մութի մէջ մնացած [2 անընթ. ] քննադատութիւն մը, որուն երկու մոլորած երկընի [1 անընթ]. ահա ինչու զայն [բարեացակամ] գտայ ջերմագին շնորհակալութիւն այդ մասին.

Յարգանքներով Ձերդ
[Դ. Վարուժան]