Գիրք վաստակոց

Չէ պարտ զոչխարն կամ 'ի խիստ ցուրտն կտրել կամ 'ի խիստ շողն, այլ 'ի միջասահմանն: Եւ թէ կտրես, եւ կամ խոց կենայ, խռիպիսոն, ձիւթ կակուղ եւ խայծղան յինքն խառնած շփեա. օգտէ: Եւ ա՛ռ թրմուզ, աղա եւ ջրով եփեա, եւ այն ջրովն օ՛ծ զոչխարսն. եւ թէ թրմուզ չլինի՝ ա՛ռ պտղի ձիթի տուրտին եւ յանապակ գինի խառնեա միաչափ, եւ օ՛ծ: Եւ թէ զայս չառնես, ա՛ռ գինի եւ ձէթ պտղի, եւ ճրագու եւ մոմ միաչափ, եփեա, խառնեա եւ օ՛ծ. նա սպանանէ զգարաւն, եւ պահէ զոչխարսն 'ի բորէ, եւ յամենայն ելընդաց: Եւ զբուրդն որ նոր կամենայ գալ՝ նա կակուղ եւ աղուոր բերէ: Եւ զբրդիդ կտրելն՝ մի՛ 'ի վաղուընէ առներ. յետ ճաշուին արա, որ շաղն վերացեալ լինի 'ի յարեգակն. զի արեգակն օգտէ ոչխարին եւ բրդին:

Նոյնպէս եւ այծեացն միապէս է խրատս: