Գիրք վաստակոց

Նոյն է ստածումն. արօտն եւ ամէն գնացքն եւ կերպն, որպէս մաքեացն զոր գրեցաք: Բայց առաւելութիւնս ունին այծքն, զի շատաշուրջ են, եւ այլ արձակ եւ դժուարին տեղ ուզեն քան զմաքիքն. եւ ցախով եւ առատ կերակրօք շատանան քան զմաքիսն. եւ իւրեանց շատ շփոթումն գայ: Ազգ մի խոտ կայ, զոր այծն ուտէ, բալգոյն է, եւ կուրացուցանէ զաչսն. նա եւ զդեղն այլ գիտէ. ազգ մի խոտ այլ կայ՝ երթայ զայն ուտէ, որ շփէ զաչսն 'ի նա, նա լաւանայ եւ 'ի լոյս գայ. զոր թէ մարդ ոք ուսանի յայծեացն՝ նաեւ մարդոյն օգուտ է: