Գիրք վաստակոց

Ինքն հետ հնտանացն լինի եւ խածաբրէ զբոյսն, եւս առաւել զբակլայն: Արդ առաջինքն գտեալ են դեղ այն խոտին, եւ Դիմոկրատէս վկայեալ է գործոյն. եւ է դեղն այս: Տանին կոյս աղջիկ մի յայն տեղն՝ ուր խոտն լինի, եւ սոսկ մերկացուցանեն զինքն 'ի յամէն հալաւէն եւ 'ի սօլերացն. եւ ածիլեն զմազն նորա, եւ տան 'ի ձեռն խօսօղ մի, որ գայ շուրջ 'ի վերայ տեղացն ուր խոտն լինի. նա 'ի նոյն ժամն չըքի խոտն եւ չորանայ, եւ սերմանքն զերծանին եւ արքինանան: Եւ ճշմարտած է որ զերդ խոտս սասանի 'ի կուսէն եւ 'ի խօսողէն. նա եւ թէ կենդանի առիւծ երթայ՝ խրտչի 'ի նմանէ: Եւ որ առնու զսերմն եւ խօսողի արեամբ մնշէ եւ ցանէ այս խոտս բնաւ չմերձենայ 'ի յինքն: Եւ այլք 'ի փորձականացն ասացին, թէ պարտ է պատրաստ կենալ, որ ամենայն սերմն 'ի ցանելն չդիպի 'ի յեղջիւր եզինն, թէ դիպի՝ չբուսանի, եւ թէ բուսանի՝ չօգտեցուցանէ զտէրն: