Գիրք վաստակոց

Երբ ցանէ ոք զգետինն, եւ 'ի հետ փորչով գայ եւ ծեծէ, եւ զգուղձն մանրէ եւ զսերմն ծածկէ՝ նա այն լաւ է. եւ ոչ թէ լծօք վաստակելն 'ի հետ, անճարողացն ճար է. եւ 'ի հետ տափելն անհնար պիտի. վասնզի այն բանայ զտակռիճս վայրապար բուսոցն եւ չորացուցանէ: Եւ երկու հետ քաղհնելն աղէկ է գետնին, եւ զսերմն գիրացուցանէ, որպէս վերոյ գրեալ եմք. զի երբ այս բոյս չկենայ՝ որ գետինն մշղըլի 'ի դարմանել զնա, նա զիւր ամէն ուժն 'ի սերմն տայ եւ զայն դարմանէ եւ սնուցանէ: