Գիրք վաստակոց

Արժան է որ քան զյունիս ամսոյս հասարակն յառաջ, զպատրուսած այգիսն փորեն աղէկ երկու երեք հետ, 'ի մարտին հասարակէն մինչեւ յունիսի ԺԵ օրն. եւ զակնուռքն որ 'ի մայրանն ելեալ լինի, հան եւ 'ի մատղաշ նոր տունկն քչիկ ուռ թող մէկ կամ երկու. որ չվատուժացուցանէ զինքն. զառաջի ուռն եւ զերկուն թող եւ զերրորդն կտրէ: Եւ 'ի յունիս ամսոջս պարտ է ծայրատել զայգին անթինինոս, թէ ոչ որ յամենայ՝ այլ աւերի: Եւ յայս ամիսս եւս պարտ է ակնբցել եւ զտակքն ծածկել, որպէս յառաջ գրեցաք:

Եւ յայս ամսոջս ա՛ռ զվայրի թաւպ թուզն որ 'ի վայր գայ, եւ շարոց արա եւ կախեա 'ի տանու թզենին. նա չտայ թափել զպտուղն, արգելու եւ շատբեր տայ առնել, եւ ճարտար հասուցանէ զթուզն: Եւ 'ի յունիսիս պարտ է սատրել զհիլիօնն եւ զտուղտն, եւ զխոտն որ ասի յունարէն ֆարիդօն, որ է հայֆարիխօն: