Գիրք վաստակոց

Ա՛ռ ընտանի աղ կամ կողբացի, եւ ձգեա 'ի գինին. լաւ պահէ զգինին եւ անուշացուցանէ: Եւ թէ առնուս պտղի ձիթի տուրտին եւ խիստ եփես, որ կէս մնայ, եւ յիւրմէ լիտր մի 'ի հարիւր լիտր քաղցու խառնես՝ լաւ պահէ եւ անարատ: Եթէ ոք առնու քաղցր նուշ եւ ծեծեալ՝ 'ի մուստառն խառնէ, աղէկ է: Եւ թէ ոք առնու զայն չամիչն որ ինք ընդ ինք 'ի տունկն լինի չորացեալ, եւ հանէ յիւրմէ զկուտն եւ քաղցր գինւով թրջէ եւ 'ի մուստառն ձգէ, նա պահէ զգինին եւ անուշացուցանէ: Բայց քան զամէնդ՝ բուռն մեզ լաւ թուեցաւ, եւ պահող եւ յիստակացուցանօղ գինւոյն. եւ իւր դնելն այսպէս է, 'ի հարիւր լիտր գինին՝ լիտր մի բուռ դիր։ Եւ այլ. ա՛ռ փիճւոյ տերեւ եւ հոռոմ ձիթի մրուր՝ այսինքն տուրտին, եւ ծովու ջուր, եւ եռացո ընդ իրեար, եւ դի՛ր յամէն կարաս մասն մի. նա լաւ պահ է: Եւ եթէ առնուս հացհամեմ եւ կօստ եւ մուռն, եւ ընդ իրեար խառնեալ ծեծես եւ 'ի գինին խառնես, շատ դիմանայ գինին, եւ անուշահամ առնէ: Եւ եթէ առնուս զանուշահամ գինւոյն մրուրն եւ չորացուցանես եւ պահես, եւ 'ի գինին խառնես՝ շինէ զգինին, եւ յիւր համն դարձուցանէ: Նոյնպէս եւ սերկեւիլն եւ խնծորն աղէկ պահեն զգինին եւ անուշահամ առնեն, երբ ջանջախեալ 'ի ներք ձգուին: Նոյնպէս եւ զպառպռոյ ծաղիկն չոր պահեա, եւ դիր 'ի կարասն չափ մի եւ 'ի քաղցուն, եւ եփեա որ կէսն մնայ, եւ ապա 'ի կարասն խառնեա. նա բնութեամբ ազգակից է գինւոյն եւ անուշահամ առնէ եւ լաւ պահէ: