Գիրք վաստակոց

Բուռ նորայրեաց եւ սպրկիկ եւ սպիտակ պիտի եւ անուշահոտ: Եւ համամայն աղուորագոյն եւ ծաղկած լինի եւ հեշտ լեսի, եւ շքաչոր եւ մգլահոտ չլինի: Զսալիխային զբարակն զկակուղն եւ զանուշահոտն ընտրեա: Սոքա խոտ են եւ բժիշկքն ճանաչեն: Մոմն յիստակ եւ սպիտակ պիտի, կամ քաֆուրի գունով: Կօստն մատղաշ պիտի եւ անուշահոտ: Զաֆրանն թազէ պիտի եւ երկայնամազ՝ այնպէս որ սպիտակ մազ չկենայ 'ի յինքն: Ձիւթն՝ սպրկիկ եւ յիստակ եւ կակղագոյն պիտի, եւ որ յՌօտին ձիւթէն կարէ ունենալ՝ նա լաւն այն է: Կուպրն՝ յիստակ եւ սպրկիկ պիտի, որ չլինի խառնած եւ ծծմբահոտ, այլ ղորդ իւր հոտովն լինի: