Գիրք վաստակոց

Ա՛ռ լեղի նուշ եւ օշինդր, եւ սոնոպրի մէջ, եւ հացհամեմ. եւ աղընձեա եւ այլ ծեծեա, եւ նուկի մի 'ի վերայ երեք լիտր մուստառի դիր, որոյ եռն դադարեալ իցէ. եւ զբերանն ծեփեա երկու երեք օր, եւ 'ի բան տար, որպէս զհին: Եւ թէ ուզես որ գինիդ յիստակ մնայ եւ չփոխի, զայս դեղս արա: Առ սապռ եւ օշինդր, եւ զաֆրան, յամէն մէկէ նուկի մի, եւ հայխունկ եւ շաքար՝ նուկի մի, մեղր՝ ութ նուկի. զծեծելոյն՝ ծեծեա, եւ խառնեա 'ի մեղրն, եւ ա՛ծ 'ի վերայ լիտր մի անոյշ գինի, եւ լից 'ի քսան լիտրն չարեէկ մի. օգտէ: