Գիրք վաստակոց

Զգինին հա՛ր դմբչով ութ օր. լաւանայ: Եւ այլ. աղի փրփուր մանր աղա, ափ մի 'ի վերայ տասն լտեր ա՛ծ. օգտէ: Ա՛ռ գարէփոխինդ՝ մանր աղացած, եւ հին գինեաւ շաղեա, եւ կէս լիտր ա՛ծ 'ի վերայ հարիւր լիտր գինւոյն, որ կտտած լինի, նա լաւացուցանէ: Ա՛ռ արծաթի ագլիմիա տասն լիտր եւ լեսեա կորկոտ. եւ ա՛ծ 'ի ԴՃ լիտր գինւոյ վերայ. նա լաւացուցանէ: Եւ այլ. ա՛ռ մանր աղ հինգ նուկի, եւ այրած քար զինչ եւ լինի, նուկի հինգ եւ կէս, եւ խռիպիսոն ձիւթ չորս լիտր, եւ այնու ձիւթեա զկարասն, եւ լեսած հացհամեմ 'ի վերայ ձիւթին ցանեա 'ի կարասն. եւ յայն աւերած կարասէն հա՛ն զգինին եւ յիստակացո, եւ ապա յայդ կարասդ ա՛ծ. եւ ա՛ռ չափ մի 'ի գինւոյդ, եւ այլ հացհամեմ խառնեա 'ի ներք, եւ 'ի վերայ գինւոյն լի՛ց. անուշանայ գինին: