Գիրք վաստակոց

Աղէկ կտրած գինին լաւ քացախ լինի, զայն շինել չպիտի. ապա զվատն այսպէս շինեա. ա՛ռ իրեք չորս լիտր 'ի քացախէն, եւ եռացո աղէկ, եւ եռ 'ի յայլ քացախդ խառնեա, եւ զայլն շինէ:

Եթէ առնուս սիզի տակ կանաչ եւ ձգես 'ի քացախն՝ շինէ: Եւ թէ 'ի քացախն կէս ու կէս եռացուցած մուստառ խառնես՝ անոյշ լինի: Եւ թէ առնուս չամիչ եւ ծեծես 'ի տասն լիտր քացախն վեց նուկի, եւ խառնես՝ անոյշ լինի: Եւ թէ առնուս զճինւոյն պտուղն, որ պատառի եւ իւր պտղոյն փետուրն երթայ, եւ ձգես 'ի կարասն՝ զքացախն անուշացուցանէ: