Գիրք վաստակոց

Արժան է յառաջ զջրագնացսն ղորդել եւ բարձր առնել, որ յամէնն հասանի ջուրն, եւ չէ պարտ խիստ բարձրացուցանել որ աւելի յորձանացուցանէ զջուրն, որ զհողն տանի. այլ այնպէս որ 'ի հանիստ տանի եւ հանգչի 'ի մաշարայսն: Եւ աղէկ ջրելն այսպէս է. փոսեր առնեն մօտ 'ի մաշարայսն, եւ զջուրն ծովռեցուցանեն, եւ ամանով 'ի վերայ կանաչին ցանեն, նա խիստ արքինի լինի եւ աղէկ: Եւ 'ի մէջ ջրոց՝ անձրեւաջուրն եւ քաղցրահամ գետոցն եւ աղբիւրականցն՝ լաւ է. եւ որքան պարզ լինի եւ անոյշ՝ լաւն այն է. բայց աղէհամ ջուրն ամենեւին վատ է, զի որդն եւ կերիչ խիստ ընծայէ 'ի կանաչ: