Տաղեր

Ընկալ Տէր Արարիչ,
Դու ստեղծող ես համայնից,
Կենդանացո, զմեղօք մեռեալս,
կենդանութեան մեր պարգեւիչ:

Կատարիչ խնդրւածաց,
լեր եւ իմոցս կատարիչ,
Մեղաւոր եմ, մեղաւոր,
մեղաւորաց ես դու քաւիչ:

Զհինգ զգայարանքս իմ պահպանեա
եզականացս պահպանիչ,
Որ աւազակն չմտանէ,
աւազակաց լեր հալածիչ:

Քննող գաղտնեաց, տեսող գործոց,
մոլորելոցս դարձուցիչ,
Թէպէտ եւ մեղք իմ բազմացան,
շատ քան զաւազ եւ զքար եւ զխիղճ:

Տուր ինձ միայն զքեզ սիրել,
որ հուր սիրոյ ես բորբոքիչ,
Ի յանցանաց տղմոյ լուա,
որ մեղանաց ես լուացիչ:

Սպիտակացո զխաւար հոգիս,
որ սեւացաւ քան սեւ կճիճ,
Բարերար բնութիւն բարի,
վիրաց իմոց լեր դարմանիչ:

Համբարձի զաչս իմ առ քեզ, Աստուած
եւ՛ Հայր, եւ՛ Տէր Փրկիչ,
Տուր ժամանակ ապաշխարել,
գոչել առ քեզ եւ բառնալ ճիչ:

Լաց, եւ՛ հայցել, եւ՛ պաղատիլ,
որ արտասուքն դառնայ լիճ,
Թէպէտ եւ ժամս կարճացաւ,
աւուրքս շատ` դարձաւ ի քիչ:

Տէր Յովանէս լցեալ մեղօք,
երգդ բարոյ է յորդորիչ,
Այլ ի լերինն կատարի,
թէ ասոյդ լինիս լսիչ: