Տաղեր

Այս ինչ խաւար սիրու բաներ,
Որ անկասկած ինձ վառեցան,
Թէ զիմ սիրու բաներն ասեմ,
Նայ շատք սրտէ հառաչեն, լան:

Բօյնունի տիքմիշեր լալտան,
Չօխ աշըք չրքարըր սէրտան,
Շատք ի սիրուդ ըլնուն հէյրան,
Ղամիշպօյլու կեօզէլ Մէնէնտ:

Մարզվանցիս քեզ ծառայ ղուրպան,
Նիճէ՞ այրըլարըմ սէնտէն,
Մինչեւ ի մահ ՚ւ ի դատաստան
Թարկդ չեմ տար, նազլու Մէնէնտ:

Ելնես կանկնես ի ձեր օրթմէն,
Զէտ զաշնան նոր լուսընկան,
Ոտք եւ ձեռքն նախշէր հինան,
Զէտ զԱմասիու սէրուն քամհայն:

Մարզվանցիս է քեզ ծառայ,
Քան զՅովհաննէսն այլ խեւ եղայ,
Քան զԱշային սէրն այլ առակ,
Ի քո սիրուն կրակն անկայ:

Մէնէնտ խաթուն, ես քէյ գերի,
Եա խոյ մելիք ես, եա հուրի,
Տահի չէքէմեմ նազընկի,
Նազլը Մէնէնտ, արքայ ղըզի:

Զձեռքդ ու ոտքդ դնես հինայ,
Իմ սիրտս ի դէմդ կու դողայ,
Աճապ օլ գունլարի օլայ,
Խուտում սէնի բանայ վերայ:

Զիւր հօրն անուն ասեն Խոտիկ,
Խիստ անաղէկ կտրիճիկ,
Աղբօրն ասեն Խտրպալի
Ու կու վառի զէտ ճրագիկ

Իւր մօրն ասեն Արքայ Մէլիք
Է՛ աննման վարդի թերթիկ,
Թէ զիմ բէրնակն այլ բան ալ տաս,
Շալլա չի հասնիս հասրէթիս:

Քանի գովեմ գովելու ես,
Խիստ աննման գեղեցիկ ես,
Թօխաթու մէջն լուսընկայ,
Ի Պազարճուխն ծագեր ես:

Զիս որ քեզնէ զատել կու տան,
Ես, Մարզվանցիս, քո ծառան,
Թող գան դպչինք զէտ քաջունանք,
Տեսնունք թէ ո՞րս ենք փահլիվան:

Մէնէնտ խաթուն ու գուլլարի,
Տէրէր մէնէվշէ սմբուլլարի,
Մէթ էյլէտին աշըքլարի,
Մէնսըն գզլար ուրուքէրի:

Շուռ եկի շատ մամլաքաթնի,
Տեսայ դուստր թագաւորի,
Չի կայ քեզի նման աղկէկ,
Ոչ այլ մօրէ պիտի ծնի:

Սէրդ իմ սիրուս թող չի զատի,
Նազլու Մէնէնտ, ես քէյ գերի,
Եօլունա վէրիբեմ սէրի,
Խատսսալտըմ աչէմ սէնի:

Թող զայս բաներս չէր եղեր,
Իմ սիրտս ի քեզ թող չէր անկեր,
Թէ որ կուզէք ինձէն զատել,
Լուծով եզներ չըկարնան զատեր:

Գոնէ զատէն, խորեատի տան…