Գիրք վաստակոց

Թէպէտ երեւի թէ չաք մի քանի օդն դարմանօղ է բուսոցն, բայց ոչ որպէս գետինն բնութեամբ: Այլ զայս ունի հողմն՝ որ երբ հողն բուսուցանէ, ինքն սնուցանօղ եւ դարմանօղ է բուսոցն. եւ առաւել տաք հողմն 'ի ցրտային ժամն, եւ ցուրտ օդն 'ի շողային պահն: Եւ զայս գիտեմք որ Եգիպտոսի երկիրն եւ Քուպացւոցն, յոյժ ջերմայինք են եւ շող եւ գոված. զի ճշգրտիւ երբ զմէկ մոդն ցանեն՝ նա ԳՃ մոդ առնէ. եւ այսմ վկայէ Աֆրէուդոս իմաստասէրն. եւ վասն գովութեան երկրին՝ կոչեն Ֆառնօնիդոս: Եւ Բաբիլօն, որոյ լաւութիւնն եւ տալն՝ մօտ է Մսրայ երկրին, բայց հով լինին եզերքն, որք են այս գաւառքս Ֆրուճիա, Պարաքի, եւ Մթնօնիա. եւ չեն սոքա հանց շող, վասն զի լերինք են եւ ձիւն գայ անդ, եւ ձեան պատճառանօքն քրքրութիւն առնու հողն. եւ այնու զօրանան տակռիճք բուսոցն, եւ առաւել եւս պտղաբեր լինին: