Գիրք վաստակոց

Են ոմանք որ մեծ եւ խորու փոսեր առնեն եւ ժողովեն յամենայն ազգ աղբէ, 'ի վատթարէն եւ 'ի լաւէն, եւ անդ լնուն եւ թողուն որ փտի. եւ կրակաց մոխիր եւս 'ի ներք խառնեն. եւ թոնրին մոխիրն լաւ է. եւ մարդոյ աղբ այլ խառնեա դու, զի տնկոց օգտակար է քան զայլ աղբ. եւ խառնեա 'ի ներք կաշէգործանոցի աղբ, զայն որ 'ի դուրս ձգեն. եւ առ զծեղն եւ ձգեա յախոռն որ գողեն շատ 'ի վերայ. եւ զայն եւս անդր խառնեա, եւ շուկայի շաղախ եւ յարդի եւ հօտի եւ փշոց կրակաց մոխիր 'ի ներք խառնեա, նոյնպէս եւ գաղձն՝ զոր ծովն 'ի դուրս ձգէ, լուա որ աղիութիւնն ելանէ, եւ 'ի ներք խառնեա. նոյնպէս եւ գետի լինի: Յամենիս վերայ ջուր ցանեա 'ի փոսն, եւ թող որ փտի տարի մի: Եւ թէ կարես կածնել, որ փողոցաց հեղեղն 'ի յառաջին երակն 'ի ներք 'ի փոսն լցուի՝ լաւն այն է: