Գիրք վաստակոց

Են ոմանք որք բակլայ եւ քուշնայ եւ ոսպն ցանեն. եւ թէ ցանեն չէ վզենակ. ապա սիսեռն ոչ է պարտ, զի աղիութիւնն վնաս առնէ տնկին: Եւ թէ բանջար եւ պարտէզ ցանես՝ աղէկ է եւ օգտակար տնկին, որ պահէ զտունկն 'ի կերչաց: Եւ 'ի հետեւակ նորտունկ այգւոջն՝ յառաջին տարին՝ ոչ է պարտ ցանել իրք: Եւ կաղամբ կամ շողգամ կամ բողկ ամենեւին չէ պարտ ցանել, զի քարշօղ են գիջութեան եւ ապականեն զայգին: Եւ այլ պատճառ. որ կաղամբն բնութեամբ հակառակ է գինւոյն. եւ թէ կամիս իմանալ՝ ա՛ռ գինի եւ թա՛ց զկաղամբն 'ի ներք, նա փոխէ զգոյնն եւ այլ չեփի: Նոյնպէս եւ այգի որ 'ի ծառ լինի կամ 'ի սարբնայ՝ յամէն տարի ընդ մէջ կարէ ցանուիլ: Որ 'ի ծառք լինին՝ ցորեան եւ գարի եւս ցանուին, զի արձակ է պարանմիջերն: