Գիրք վաստակոց

Անդալիոյ մարդիկն առնուն երեսուն լիտր ձիւթ, եւ լիտր մի մոմ եւ ութ նուկի նիշատիր, եւ քուշնայի ալիւր չորս նուկի, խառնեն յիրեար եւ եփեն, եւ այնու ձիւթեն. եւ մենակ 'ի շողն՝ լեսած հացհամեմ 'ի վերայ ձիւթին ցանեն որ փակչի: Եւ են ոմանք որք առնուն անհալ ձիւթ հարիւր լիտր եւ մոմ ԺԵ լիտր, եւ քուշնայի ալիւր երեք լիտր, հացհամեմ աղնձած եւ ծեծած երեք լիտր, յիրեար խառնեա եւ ձիւթեա, եւ լեսած համեմ 'ի վերայ ցանեա. այս է լաւն 'ի ձիւթելն քան զամէնն:

Այլ ազգ՝ որ նօսր ձիւթես. ա՛ռ ձիւթ եւ մունֆախդէճ, եւ ծովու ջուր խառնեա ընդ իրեար, եւ նօսր ձիւթեա. եւ բազումք այսու զբերանն ամանին միայն օծանեն, նա զիւր ներգործութիւնն 'ի յամէն գինին կու տայ: Եւ թէ ծովու ջուր չլինի՝ աղի ջուր արա ծովու նման: