Գիրք վաստակոց

Եփած գինի արա եւ 'ի ներք խառնեա, ուժով լինի: Առաջին փորձականքն եւ իմաստուն մշակքն երկրագործք՝ հանճարեղ իմաստութեամբ փորձեցին զայս եւ գտին. եւ առին սպիտակ քուշնա, եւ թէ չգտանի նա՝ զհասարակացն, եւ աղնձեցին եւ ալիւր արարին եւ ածին 'ի գինին, նա խիստ ուժաւորող է գինւոյն: Եւ այլք ոմանք զչամիչն 'ի կորիզէն հանած 'ի ճուլպանին ալիւրն խառնեցին, եւ ծեծեալ եւ եփած գինեաւ շաղախեալ 'ի գինին կամ 'ի մուստառն խառնեցին, նա ուժաւոր եւ անոյշ արար: Եւ այլ ոմանք զաղնձած կտաւհատն եւ զհում խաշխաշի հատն մանր ընդ իրեար ծեծեցին, եւ ցորենի ալիւր խառնեցին սակաւ մի, եւ 'ի մուստառն ընկեցին, յոյժ օգտեաց: