Գիրք վաստակոց

Յամէն յիսուն լիտր գինւոյ վերայ՝ մէկ թուխթ մի կամ սակաւ աղ ա՛ծ, 'ի ներք խառնեա, յիստակ առնէ: Են ոմանք որ առնուն կէս թուխթ պտղի ձիթի տուրտին եւ եփեն, որ երեք բաժնէն մէկն երթայ, եւ 'ի տասն լիտր գինւոյ վերայ ձգեն, եւ թուխթ մի հօտի մոխիր 'ի հետ. եւ վաթսուն սպիտակ գինւոյ մրուր չորացուցած, եւ լեսած թուխթ մէկ. օգտէ: Եւ այլ ոմանք երեք ձուի սպիտակուց եւ սակաւ մի բուռ եւ հատ մի թրմուզ լեսած, եւ սակաւ մի մեղր ածեն. օգտէ: Եւ այլ ոմանք 'ի վերայ տասն լիտր գինւոյ մարզպան մի սիմինդր ածեն ջրով շաղած, եւ խառնեն եւ ապա պարզեն. օգտէ: