Գիրք վաստակոց

Ա՛ռ աթխարի պտուղ յիսուն տրամ, մուռ ԻԴ տրամ, սալիխա ԻԴ տրամ, սպիտակ խունկ ԻԴ տրամ, մաստաքէ ԺԲ տրամ, սնֆուլ վեց տրամ. լեսեա եւ մաղեա եւ յիրեար խառնեա. եւ ա՛ռ մուստառ եւ լի՛ց 'ի կարաս մինչեւ 'ի շլնին. եւ յեռալն՝ ա՛ռ զշիվն եւ զփրփուրն երեք կամ չորս, եւ ապա ա՛ռ բուռ այրած, ծեծեա եւ մաղեա. եւ լից չափով յամէն լտեր վերայ թուխթ մի. կու գայ 'ի հարիւր գինին մարզպան մի բուռ. եւ ա՛ռ հաստ կանաչ եղեգներ՝ ընդ իրեար կապեա, եւ սերտ զգինիդ ընդ բուռն հարուլ տուր յառաւօտէն մինչեւ ցկէս օր. եւ թող որ հանգչի մինչ 'ի մութն, եւ այլ ծեծել տուր եւ հարուլ մինչեւ 'ի գիշերն. եւ այսպէս արա երեք օր եւ երեք գիշեր, եւ ապա ջրով լնուլ տուր. զամէն կուտն եւ զփչոքն որ մնացեալ լինի՝ քաղեա եւ ձգեա: Եւ ապա զհաւիճանիդ զոր գրեցաք՝ լից 'ի ներք, յամէն լիտր գինի դրամակշիռ մի 'ի հաւիճանոյդ. եւ ապա այլ մուստառ ընդ ճիփս եռացուցած՝ 'ի վերայ ա՛ծ, եւ զպակասն լից զկարասին. եւ կէս օր հա՛ր՝ որ միաւորի ընդ դեղորէիցդ. եւ ծեփեա եւ պահեա, եւ շնչահան թող: