Տաղեր

Այսօր տօն է ծննդեան, աւետի՜ս,
Տեառն մերոյ եւ յայտնութեան, աւետի՜ս:
Այսօր արեւն արդարութեան, աւետի՜ս,
Երեւեցաւ ի մէջ մարդկան, աւետի՜ս:
Այսօր սուրբ կոյսն անապական, աւետի՜ս,
Ծնաւ եբեր զանմահ Արքայն, աւետի՜ս:

Այսօր հրեշտակք յերկնից իջան, աւետի՜ս,
Ընդ մեզ օրհնեն զանմահ Արքայն, աւետի՜ս:
Այսօր դժոխքն սարսեցան, աւետի՜ս,
Գունդքն դիւաց յոյժ տրտմեցան, աւետի՜ս:
Այսօր չարքն կարկեցան, աւետի՜ս,
Եւ ադամեանքն ուրախացան, աւետի՜ս:

Աստղն պայծառ եւ պատուական, աւետի՜ս,
Երեւեցաւ ի Հնդուստան, աւետի՜ս:
Մեծ թագաւորք ժողովեցան, աւետի՜ս,
Յոլով դպիրք եւ շատ իշխանք, աւետի՜ս:
Զաստղն տեսին եւ զարմացան, աւետի՜ս,
Զայն քննեցին եւ հիացան, աւետի՜ս:

Մովսէս, արի, տես զՍինայ, աւետի՜ս
Եւ զմորենին, որ անկէզ կայ, աւետի՜ս:
Ցնծա, ցնծա, Դաւիթ արքայ, աւետի՜ս,
Հնչեա զքնար քո եւ խայտա, աւետի՜ս:
Զոր ասացեր նախագուշակ, աւետի՜ս,
Թէ արարչին բերեն ընծայ, աւետի՜ս:

Ի Սաբայէ եւ յԱրաբայ, աւետի՜ս,
Սուրբ պատարագ բերցեն նմա, աւետի՜ս,
Ահա երեք արքայ կու գայ, աւետի՜ս,
Որ երեքին անունն կայ, աւետի՜ս.
Մելքոն, Գասպար եւ Պաղտասար, աւետի՜ս,
Ի Սաբայէ եւ յԱրաբայ, աւետի՜ս:

Ունին երեք ազնիւ ընծայ, աւետի՜ս,
Ոսկի, կնդրուկ, զմուռեւհալւայ, աւետի՜ս:
Ոսկին պատիւ արքայական, աւետի՜ս,
Կնդրուկն զարդ աստուածութեան, աւետի՜ս:
Զմուռն, որ էր անապական, աւետի՜ս,
Նշան թաղման եւ յարութեան, աւետի՜ս:

Երկոտասան հազար էին, աւետի՜ս,
ՅԵրուսաղէմ քաղաքն եկին, աւետի՜ս:
Ի մէջ աստղին զկոյսն տեսին, աւետի՜ս,
Ունէր եւ զմեր Տէրն ի գրկին, աւետի՜ս:
Երուսաղէմ դղրդեցաւ, աւետի՜ս,
Երբ զորոտումն լսեցին, աւետի՜ս:

Յորմէ կալեալ Հերովդէին, աւետի՜ս,
Մխեաց զչար ձեռն ի նոսին, աւետի՜ս:
Մինչեւ խախտեալ սիւնք դարպասին, աւետի՜ս,
՚Ւ արար բազում վնաս նոցին, աւետի՜ս:
Ապա սիրով արձակեցին, աւետի՜ս,
Ի Բեդղէհէմ ելեալ գնացին, աւետի՜ս:

Խաղային եւ խայտային, աւետի՜ս,
Զնուագարանսն հնչէին, աւետի՜ս:
Ճեմէին եւ հրճուէին, աւետի՜ս
Եւ ցնծութեամբ պար առնէին, աւետի՜ս:
Տեսին զՅովսէփ եւ զՄարիամ, աւետի՜ս,
Յահէ նոցա փախուստ առին, աւետի՜ս:

Էջ հրեշտակն աստուածային, աւետի՜ս,
՚Ւ ասաց զպատճառ գալոյ նոցին, աւետի՜ս.
Մի՛ երկնչիր, տաճար բանին, աւետի՜ս,
Յերկրպագել գան Միածնին, աւետի՜ս:
Ապա դարձեալ ի յայրն եկին, աւետի՜ս,
Ուր էր ծնեալ Աստուածորդին, աւետի՜ս:

Այսօր հովիւքն անբան հօտին, աւետի՜ս,
Ընդ հրեշտակաց զՏէրն օրհնէին, աւետի՜ս:
Ունէին զգառն երկրային, աւետի՜ս,
Անմահ գառինն ընծայ բերին, աւետի՜ս:
Այսօր զՏէրն արարածոց, աւետի՜ս,
Ի յանբանից մսուր եդին, աւետի՜ս:

Այսօր զՏէրն ամենայնի, աւետի՜ս,
Ի Խանձարուրս փաթտեցին, աւետի՜ս:
Բերեալ զընծայսն մատուցին, աւետի՜ս,
Ի զանազան կերպս տեսին, աւետի՜ս:
Մինչեւ երեքն ի միասին, աւետի՜ս,
Տեսին զՏէրն նորածին, աւետի՜ս:

Զթուղթն տուին ընդ ընծային, աւետի՜ս,
Որ էր գրեալ վասն Ադամին, աւետի՜ս:
Ուրախութեամբ երկրպագին, աւետի՜ս,
Եւ խնդութեամբ ելեալ գնացին, աւետի՜ս:

Այս աւետիսն օրհնէքն է

Այս թագաւորս կուսածին, աւետի՜ս,
Ձեզ պարգեւէ անճառ բարին, աւետի՜ս:
Զձեր սեղանն զարդարէ, աւետի՜ս,
Որպէս զսուրբ նահապետին, աւետի՜ս:
Այս նորածին Տէր եւ արքայն, աւետի՜ս,
Օրհնէ զձեզ զամենեսեան, աւետի՜ս:
Սիրելեօք, բարեկամօք, աւետի՜ս,
Եւ զընտանիսն ձեր միաբան, աւետի՜ս:
Ձեր հեռաւորն գայ շուտով, աւետի՜ս,
Եւ ձեր ոչխարն սուրույով, աւետի՜ս:
Կարասն ձեր լցուի գինով, աւետի՜ս,
Եւ տունս ձեր հազար բարով, աւետի՜ս:
Այսօր մեր Տէրն յերկնից ի վայր, աւետի՜ս,
Խոնարհեցաւ մարդոյս համար, աւետի՜ս:

Օրհնէ զայս տանս տանուտէրն, աւետի՜ս,
Եւ զընտանիքն հաւասար, աւետի՜ս:
Այսօր ծնաւ արքայն երկնից, աւետի՜ս,
Եւ արարիչն բոլորից, աւետի՜ս:
Օրհնէ զերամ քահանայից, աւետի՜ս,

Որ միշտ անփորձ կենան յախտից, աւետի՜ս:
Այսօր ծնաւ Քրիստոս Աստուած, աւետի՜ս,
Վասն մարդկան երկրաւորաց, աւետի՜ս,
Օրհնէ զջոկք սարկաւագաց, աւետի՜ս,
Եւ ազատէ ի փորձանաց, աւետի՜ս:

Այսօր ծնաւ Տէրն տէրանց, աւետի՜ս,
Ի փրկութիւն մեղաւորաց, աւետի՜ս:
Ձեզ ողորմի եւ ձեր նախնեաց, աւետի՜ս,
Եւ ամենայն ուղղափառաց, աւետի՜ս:
Տայ ձեր բարեացն լիութիւն, աւետի՜ս,

Եւ ձեր որդոցն առողջութիւն, աւետի՜ս:
Ննջեցելոց ձեր ողորմի, աւետի՜ս,
Եւ պարգեւէ արքայութիւն, աւետի՜ս:
Այսօր մեր Տէրն ողորմեցաւ, աւետի՜ս,
Ի սուրբ կուսէն մարմին զգեցաւ, աւետի՜ս:

Այսօր մեր Տէրն հաշտեցաւ, աւետի՜ս,
Մեղաւորաց ողորմեցաւ, աւետի՜ս:
Այսօր անէծքն մեր լուծաւ, աւետի՜ս,
Գիրն մեղաց մեր ջնջեցաւ, աւետի՜ս:
Այսօր դժոխքն սարսեցաւ, աւետի՜ս,
Եւ սատանայ հալածեցաւ, աւետի՜ս:

Գիտեմ, որ խիստ եք ձանրացեր, աւետի՜ս,
՚Ւ ի յայլազգացն եք նեղացեր, աւետի՜ս:
Խաթուն մարիկ արի ի վեր, աւետի՜ս,
՚Ւ ի թոնրեզերըդ մի ննջեր, աւետի՜ս:

Մեր Տէրն այսօր յերկնից իջեր, աւետի՜ս,
Ուրախութիւն մեզ պարգեւեր, աւետի՜ս:
Արի գնա յանկիւնն ի վեր, աւետի՜ս,
Գէր-գէր գաթայ եւ չոր միս բեր, աւետի՜ս:

Խաթուն մարիկ, մի՛ ծուլանար, աւետի՜ս,
Սուտ եւ հոգցի մի՛ խլանար, աւետի՜ս:
Յաշխարհս քեզ գէմ չի մնար, աւետի՜ս,
Մեք այս ցրտուս չեմք դիմանար, աւետի՜ս:

Այսօր մեծ խորհուրդ ունի, աւետի՜ս,
Արի, մեզ բեր անուշ գինի, աւետի՜ս:
Խմեմք ՚ւ օրհնեմք զՏէրն, ամէնի, աւետի՜ս,
Եւ ողորմիս տամք մեք քեզի, աւետի՜ս:
Ընկեր ունիմք մեք քահանայք, աւետի՜ս,
Բարի մանկունք եւ սարկաւագք, աւետի՜ս:
Երթամք ուտեմք, որ լիանամք, աւետի՜ս,
Եւ զձեզ օրհնեմք, որ դուրանամք, աւետի՜ս: