Ուղերձներ

[Տ]օստ եւ եարան մուհիպներաց, գիտողաց զմեզ եւ չգիտողաց,
Ըզմեղաւորս հարցանողաց՝ ուրոյն ուրոյն լիցի ընծայս։

Ի սուրբ ուխտէս մասըն շնորհաց տացէ ձեզ Տէր Քրիստոս Աստուած,
Արժան լինիմ այսըմ փառաց, տեսլեան սրբոյ սրբատեղաց։

Երկրպագել զտնօրէնութեանց, ուր կացան ոտք Տեառըն փառաց,
Զի վասն եւ ձեզ առ ի հայցուած՝ կրկնելով ծունր առ քաղցրն Աստուած։

Սիրելեաց եւ բարեկամաց ներել զանցանս տալ զխնդրուած,
Այլ եւ մնալ անփորձ աստեաց, ժամանել իմ ձեր տեսութեանց։

Առնուլ զփափաք կարօտանաց, որ տարագրեալս եմ ձեր աչաց,
(տող մը պարապ)

Որք հեռագոյնքն են եւ մերձակաց, ծանօթից մեր եւ սիրելեաց,
Հարցանողաց եւ յիշողաց եւ զանարժանս միտ բերողաց։

Կրկին լիցի ամանաթ այս ամենեցունդ բարեկամաց,
Զմեզ աղօթից չմոռացած՝ լիջիք յաւէտ ի միտ պահած։

Եւ իմ խնդիրք խորին հայցուած, անծուկ հոգւոյս որ յաւիտենաց,
Յաղօթս յիշեր ըզձեր ծառայս որ է պիտակ ԵՐԵՄԻԱՍ ։

Ի ԿԱԹՈԳԻՆ Հայոց թուական, հազար հարիւր երեքտասան,
Միով մասամբ այժմ յաւելան, որոյ թիւքս այս այժմ լըցան։

Ի սուրբ քաղաքըս գըրեցան, Երուսաղէմն որ աննըման,
Ի մուտ աւուրցս բարեկենդան, ըխտատեղեացըս բերկրական։

( Ձեռ. թիւ 1059, թղ. 55 բ )