Տաղեր

Յակոբ Թոխաթցի մեղօք զառածեալ,
Ծերացար ՚ւ ի դուռն մահու հասար,
Դարձիր ի մեղաց ՚ւ արա դու քեզ ճար:
Որ չի մտանես ի գուբն խաւար:

Աղտեղի մեղօք լցեալ Յակոբ դուն,
Քանի կու կանչես, չես լինար ի քուն,
ԶԱստուած աղաչեա փրկել ի դաւուն,
Խաւարասիրաց լէգէոն անուն:

Կամօք եւ մտօք Տեառն ծառայեա,
Յակոբ Թօխաթցի, անուամբ քահանայ,
Բոլորով սրտիւ յուսայ դու ի նա,
Յահեղ ատենին նա քեզ քաղցրանայ:

Ո՛վ Յակոբ էրէց, Թոխաթու յերկրէն
Լեղացար զբաղմամբ ի յաստնւորէն,
Թօթափեա զմրուրդ, փախիր ի չարէն,
Որ չի զրկիս դուն յանանց պսակէն:

Բնաւ դու գրոց երբ որ հմուտ չես,
Ա՛յ անմիտ Յակոբ, քանի՞ ձաբռտես,
Թողէր զգերանդ, զայլք կու խրատես,
Զմտաց աչքդ բաց եւ հայեաց ի քեզ:

Ի Տէր յուսացիր, որ առնէ քեզ ճար
Եւ խոստովանեա, զոր նմա մեղար,
Լե՛ր փառաբանող դու Տեառն անդադար,
Որ հասանիցես ի կեանս անվճար: