Բանաստեղծութիւններ

Ա

Արբանեակ չարին,
Անիծեալ կուրին,
Աղբահամ պղծին,
Աչքդ կուրասցին,
Ականջդ խլցին,
Ազգդ ջնջեսցին:

Բ

Բելիարածին,
Բեհեղզեբուղին,
Բողբոջ Նեստորին,
Բերանդ կարկեսցին ,
Բիբքդ թափեսցին,
Բանքդ սպառեսցին:

Գ

Գեեզի կրկին,
Գաղտ նենգաւորին,
Գայլ քանասարին,
Գլուխդ հատցին,
Գործքդ խափանեսցին,
Գաղտնիքդ յայտնեսցին:

Դ

Դիւթ դժոխային,
Դեւ դաս կախարդին,
Դառնահոտ ժանտին,
Դողումն կալցին
Դողդոջ Կայէնին,
Դեղ մի գտանիցին,
Ըստ ցաւոց անձին:

Ե

Եղիր հոմանին,
Եւ նմա գործին,
Եւտիքէս չարին,
Երեսդ սեաւի,
Եղիցիս գերի,
Եւ ճար մի գտցի:

Զ

Զազրագործ մոլի,
Զինչ Մանիքոսի
Զարմն Լեւոնի,
Զցաւն Արիոսի,
/Զ/նզովս Նեստորի,
Զնովաւ պարփակի:

Է

Է պիղծ շան որդի,
Է վատթար լոթի,
Է չար եղկելի,
Էն քեզ խռովի,
Էրիկամքդ այրի,
Էշ բառնաս գոթի:

Ը

Ընդ քո ընկերի,
Ընդ համախոհի,
Ընկեր Նեստորի
Ընկղմիք յերկրի,
Ըղունկդ թափի,
Ընքվիդ բորոտի:

Թ

Թիւնալից զեռուն,
Թափուր ի բարուն,
Թեւդաս կախարդ շուն,
Թաղուիս մէջ գբուն,
Թուք քո պեխերուն,
Թափի մէջ հրուն:

Ժ

Ժանտաժէտ զեռուն,
Ժտող կանոնոյն,
Ժայթքեալ սոցա շուն
Ժառանգ գեհենոյն
Ժահահոտ գբոյն,
Ժամանիս մահուն:

Ի

Իժ ծնող քարբոյն,
Ինքնասպան պղծոյն,
Իգասեր զեռուն,
Իջցէ բարկութիւն
Ի սրբոյ հոգւոյն,
Ի քո ժողովոյն:

Լ

Լուծեցեր զկանոն,
Լկտի չարագոյն,
Լակոտ շներուն,
Լեզոյդ հերձուածոյն,
Լիցի համրագոյն,
Լուռ ի հաչելոյն:

Խ

Խլուրդ գարշելի,
Խանգարիչ երկրի,
Խելագար ջորի,
Խորհուրդդ ցրուի,
Խելքդ ցնորի,
Խաղք լիցիս յերկրի:

Ծ

Ծնունդ Կայէնի,
Ծոցածին որդի,
Ծուռ վիզ անթափ ձի,
Ծառդ չորասցի,
Ծաղիկդ թօթափի,
Ծունկդ կտրատի:

Կ

Կցորդ Աքարի
Կախարդ Սիմոնի,
Կամապաշտ մոլի,
Կառափդ ծռի,
Կուռքդ կործանի,
Կոյրդ սատակի:

Հ

Հանգոյն Յուդայի,
Համացեղ հրէի,
Հոյլդ հեթանոսի
Հեր գլխոյդ թափի,
Հոգիդ տագնապի,
Հայրդ սատակի:

Ձ

Ձանծաղ պիղծ ջհուտ,
Ձիավարժ մախսուտ,
Ձիակերպ հայտուտ,
Ձեր օրէնքն է սուտ,
Ձեր տոմարն է փուտ,
Ձեղ հուր եւ կարկուտ:

Ղ

Ղոմոս եղկելի,
Ղամայ աղտեղի,
Ղօղանջես յերկրի,
Ղամբարդ շիջանի,
Ղեկդ ալէկոծի,
Ղեղան մի լիցի:

Ճ

Ճիւաղդ յայտնի,
Ճեռոտ ախտալի,
Ճակաճան լկտի,
Ճաճանչդ նուազի,
Ճեպով կործանի,
Ճակատդ ի հողի:

Մ

Մեղապարտ մոլի,
Մրգուզ խոտելի,
Մակեդոն վերջին,
Մարմինդ գարշելի,
Մահուանդ օր չարի.
Մի ի հող մտցի:

Յ

Յապուշ եւ յոռի,
Յանդուգն ձանձրալի,
Յիմարդ ի յոգի,
Յանցանքն Կայէնի,
Յանձին քում լիցի,
Յաւէտ ոչ ջնջի:

Ն

Նեսարին չարի,
Նոր բոյս ի յերկրի,
Նեստոր նասրանի
Նոր մանիքեցի,
Նոր ծնունդ չարի,
Նէնգիչ օրէնի:

Շ

Շաղփաղփ ասորի
Շաղղակեր լոթի,
Շիթ շնորհաց հեռի,
Շաղի/ղ/դ քում պղծի,
Շիրիմ մի մտցի,
Շանց բաժին լիցի:

Ո

Ով ողորմելի,
Ոճրագործ գեր/ի/
Ոգիդ գեհենի,
Որոգայթ անկցի,
Որ յաւէտ տանջի:

Չ
Չար բելիարի,
Չարարմատ յերկրի,
Չքնաղ սիրելի,
Չար մարմինդ յերկրի,
Չար արձան լիցի,
Չդառնայ ի հողի:

Պ

Պտուղ գարշելի,
Պղծոյն Յուդայի,
Պատժակից որդի,
Պիղծ լեզուդ համրի,
Պապանծեալ կարկի,
Պապակեալ այրի:

Ջ

Ջանշանաց տեսի,
Ջատուկ կախարդի,
Ջատագով արի,
Ջուրդ ցամաքի,
Ջահդ շիջանի,
Ջիլքդ կարկամի:

Ռ

Ռեմակալ որդի,
Ռամիկ գործով լի,
Ռահակ դու յայտնի,
Ռահդ խաւարի,
Ռասիմդ մոլորի,
Ռամօթ խարխափի:

Ս

Սերմն Արիոսի,
Սաղարթ կրկնակի,
Սերեալ յաշխարհի,
Սարաս Գոմորի,
Սաբայ արժանի,
Սոդոմայ պատժի:

Վ

Վայ քեզ չար ոգի,
Վաւաշ Լեւոնի,
Վաղամեռ որդի,
Վառէն քոյդ բանի,
Վտանգն Սաբելի
Վերայ քեզ լիցի:

Տ

Տոհմ Նեռան զարմի
Տերեւ սաղարթի,
Տիպ Մակեդոնի,
Տաժանեալ տանջի,
Տինա արժանի
Տիրող նզովի:

Ր

Րասանդ չարի,
Րոտող խորհրդի,
Րոտեալ հաճելի,
Րաբունին բարի,
Րամիցն արժանի,
Րամէ ի ծախի:

Ց

Ցեղէն Յուդայի,
Ցանկալի որդի,
Ցոյց ամեն ազգի,
Ցաւ մարմնոյդ աճի,
Ցուցումն սարսափի,
Ցանկ ոչ պակասի:

Ւ

Ւիւանդ ի հոգի,
Ւիւնօք խոցոտի,
Ւիւթով չար ախտի,
Ւիւսեալ ի մարմնի,
Ւիւծեալ մաշեսցի,
Ւիթեղդ մսեղի:

Փ

Փարաք կատաղի,
Փաղաղ յօժարի,
Փիծ ապաւառի,
Փաթուր փանաքի,
Փառքդ կորնչի,
Փաղփինդ խաւարի:

Ք

Քամահեալ գոթի,
Քո ցաւդ յաճախի,
Քո դէմքդ այլայլի,
Քո մարմինդ յերկրի,
Քայքայեալ ցրուի,
Քանցեալ կոտորի:

Օ

Օթարան չարի,
Օրինաց հեռի,
Օձտող կանոնի,
Օն եւ օն լիցի,
Օտոց հանդերձի,
Օձոյդ արժանի: