Բանաստեղծութիւններ

Իմաստնալի յուշիմ եղբայր,
Զգրեալս ընկալ խոհեմաբար.
Անցեալ աւուրբք բանք վիճաբար,
Զոր առարկաւ քննողաբար:

Զբիւրն որ ասաք, տասն հազար,
Է ստոգիւ ծերունեաց շար.
Քառորդ կրկնեալ նոյնքան հազար,
Նա բոլորի մի գունդ ճարտար:

Նոյնագունակ իսկ եւ յարմար,
Զգունդն աւագ տեսցուք ի շար:
Զի սա ունի զերկրորդն դար,
Երկոտասան կետից համար:

Իսկ գունդն արքայ դիմեաց ի սար,
Որոյ շաւղի ելքն է դժուար.
Գահաւանդակ յերրորդն դար,
Վեշտասան կէտ սորայն ի շար:

Յետ այսորիկ զօրեղաբար,
Կայսրն խմբիւք բազմահամար:
Հզօրօք դիմեալ ելնէ ի ծայր,
Քսանահամար կէտն, որ ի շար:

Ներհունք ոգեն մինչեւ ցայս վայր,
Թիւ համարոյ դասիլ ի շար:
Քան զայս աւելն է բռնաբար,
Առ որս հասումն ասեն դժուար: