Յուշարձան Ապրիլ տասնըմէկի

36. 37. ՅԱՐՈՒԹԻՒՆ ԳԱԼՖԱԵԱՆ. —

Ծնած է Թալաս 1870ին։ 1886ին Պօլիս գալով, կը վկայուի իրաւաբանական վարժարանէ։ Յայտնի Դաշնակցական։ Դէպքերու բերմամբ, 1896ին կը մեկնի Պուլկարիա՝ ուրկէ կառավարութիւնը կը վտարէ զինք, կարգ մը յեղ. գործիչներու հետ։ Երկար տարիներ Եգիպտոս ու Ժընէվ ապրելէ վերջ։ Սահմանադրութեան հռչակումին կ’անցնի Թուրքիա եւ պահ մը Իզմիրի շրջանը կը մնայ, իբր հասարակական գործիչ։ Պօլիս դարձին՝ քաղաքապետական քննիչ կը կարգուի, ապա Մագրիքէօյի թաղապետութեան նախագահ (Պէլէտիէ Րէյիսի), պաշտօ՛ն զոր կը վարէ մինչեւ իր աքսորման օրը։ — Եղբայրը՝ փաստաբան ԳԱԼՖԱԵԱՆ ԱՐՍԷՆ (№ 37), Կեսարիա նահատակ։