Կամենից

  ( Հաստատէ զՏէր Գրիգոր յարքեպիսկոպոսութեան Լեհահայոց ):

Այս մեր գիր հոգեւորական հրամանի աւրհնութիւն է եւ կրկին հաստատութիւն. ԿՈՍՏԱՆԴԵԱՅ շնորհաւքն Քրիստոսի՝ կաթողիկոսի ընթհանուր ամենայն Հայաստանեայց.

Գիտութիւն լիցի ձեզ ամենեցուն, Մեր ի Քրիստոս Աստուծոյ հաւատարիմ ըստ հոգոյ որդիք՝ բնակիչք աստուածապահ մայրաքաղաքիդ Լաւին՝ եւ ամենայն սահմանեալ վիճակին իւրոյ. մահանայք եւ աստուածասէր ժողովուրդք մեծ եւ փոքր, այր եւ կին. Զոր երեկ առ մեզ՝ պատուելի արքեպիսկոպոս ձեր՝ եւ մեր ըստ հոգոյ պարծանաց որդիս՝ Տէր Գրիգորս՝ ի հնազանդութիւն մերոյ սուրբ աթոռոյս. զոր եւ մեք յոյժ սիրով եւ մեծաւ պատուով ընկալաք զինք՝ որպէս զմեր քաջ սիրեցեալ որդի. Այլ եւ ունէր ընդ իւր՝ զմեր նախնոյն տված շուրջբերականն, որ եւ զփառաւոր մայրաքաղաքդ՝ զԼօվդ՝ եւ զԱւլատեմիրտ՝ եւ զԼուցկայդ՝ մեր որդոյդ Տէր Գրիգորիդ էր պարգեւել. Մեք մեծաւ պատվով ընդունեցաք զմեր նախնոյն հաստատած շուրջաբերականն, եւ վասն մեր սիրեցեալ պարծանաց որդոյդ Տէր Գրիգորիդ արժանաւորութեանն՝ հաւանեցաք ի յինք. Եւ մերով հոգեւորական, առաքելական եւ հայրապետական բարձր հրամանաւս՝ կարողութեամբն Աստուծոյ եւ աղաւթիւք Սրբոյն Գրիգորի Լուսաւորչին, վերստին հաստատեցաք զսրբազան արհիեպիսկոպոսդ զՏէր Գրիգորդ ձեր եպիսկոպոս. եւ պարգեւեցաք դարձեալ իր՝ Տէր Գրիգորիդ՝ զամէնաւրհնեալ ականաւոր քաղաքդ՝ զԼօվտ՝ զԼուցկայն եւ զԱւլատեմիրդ՝ մեր որդոյս Տէր Գրիգորիդ՝ սեփհական թէմ եւ վիճակ, աթոռ եւ հանգստեան տեղի. Կու աւրհնենք զձեզ զամենեսեան՝ ի մեծամեծաց մինչեւ ցփոքունս, զի աստուածապատիւ եւ զառաքելաշնորհ գերիմաստ եպիսկոպոսդ ձեր զՏէր Գրիգորդ՝ փառաւք եւ պատուով ընկալարուք, որպէս ի դրանէ սուրբ եւ երկնահանկէտ աթոռոյս աւրհնութեամբ առ ձեզ առաքած. եւ ամենայն խրատու դորայ որ ի շահ եւ յաւգուտ լիցի ոգոց ձեր, դուք մեծաւ հնազանդութեամբ ունկնդիր լերուք դմայ որպէս մեր անձինս: Եւ զամենայն աւրինաւոր հաս եւ զիրաւունք ձեր՝ անթերի տուք ի ձեռս դորա՝ զվարթառատ սրտիւ. ծասն զի որ ոք Տէր Գրիգորիդ հնազանդ է, նայ մեզ եւ Աստուծոյ աւրինացն եւ մեր Սուրբ Լուսաւորչի հնազանդ, եւ հնազանդեալքն աւրհնեալ եղիցին. իսկ հակառակողք եւ անհնազանդք դմայ եւ հրամանիս մեր, կրեսցեն պատիժ եւ պատուհաս յԱստուծոյ: Եւ վասն առաւել հաստատութեան եւ վստահութեան սրտի ձեր՝ ձեռնագրեցաք մերով սովորական կարմիր ձեռագրովս: ԺԵ ի յունվ. ի Թվ. ՊԻԳ: