Պատմութիւն Պարսից

ՊՐԱԿ ՏԱՍՆԵՐՈՐԴ
Թէ զի՞նչ արդեօք գործեաց Ռէֆի խան ոմն՝ որ կարգեցաւ ի Քէրիմ խանէ մարզպան յԱսպահանայ։

Արդ՝ ընդ յաւուրսն ընդ յայնոսիկ՝ յորժամ գնաց Շեխ ալի խան Թէհրան զհետ Հասան խանի. յայնժամ կարգէ Քէրիմ խան մարզպան զոմն Ռէֆի խան. որ էր եղբայր Զէքի խանի, եւ խորդաեղբայր Քէրիմ խանի։ Քանզի մայր նոցա՝ զկնի մահու առն իւրում եղբօր Էինաղայ՝ առնու զնա յիւր կնութիւն Էինաղ հայր Քէրիմ խանի. զի էր կին եղբօր իւրոյ, ըստ մոլար օրինի պարսից կարգադրութեան։ Որոյ եկեալ յԱսպահան՝ յոյժ ճահողապէս գործէ զբարեփառ հանդէսս շինութեան։ Եւ յաւուրս ժամանակաց զորյ մարզպանութեան՝ այր ոմն ժանդ եւ ժպիրհ գնայ բռնութեամբ յափշտակէ զսեխ իմն ի շուկայէն ի ձեռաց վաճառողէ թարց հատուցանելոյ նմա զգինս սեխի։ Ուստի զայրացեալ տեառն սեխի գնացեալ գանգատէ զՍավզալի խան յանողորմ յառնէն Ռէֆի խանին։ Իսկ նա կոչեալ նորա ասէ՝ ո՛չ պատկառիս արդեօք յազնուականութենէ քումմէ, զի բռնութեամբ յափշտակեցեր զսեխն ի խղճալի յառնէս յայսորիկ. մի՞թէ գռեհիկ ոք իցես, եւ կամ յափշտակօղ զի այսպէս արարեր։

Արդ՝ այն այր յորժժամ լուաւ զբանս զայսոսիկ ի բերայոյ նորա, մրմռեալ լի ցասմամբ արձակէ զատրճանակն ի վեարյ նորա եւ սպանանէ զայնպիսի արդարակորով եւ հեզահամբոյր զիշխանն, եւ զազգականն Քէրիմ խանի։

Ապա իսկ գնայ Սավզալի խան փախստեայ ի Սպահանայ ի տեղի ինչ ամրագոյն զօղեալ թագչի. բայց յետոյ ըմբռնեալ՝ սպան զնա Քէրիմ խան։ Ահա՛ առ քեզ զայս առ ի յինէն վասն այնորիկ տեսեալ եղեւ. զի ծանիցիս եւ իմասցիս թէ՝ ճշմարի՛տ է զոր ասէ մարգարէն Եսայի, թէ թագաւոր արդար տիրեսցէ. եւ իշխանք իրաւամբ դատեսցեն։