Գիրք Դատաստանի, Ա խմբ.

Իսկ եթէ ոք զոք, որ չիցէ իւր, ի գործ իւր առաքէ, եւ անդ որոգայթի, արեան պարտ է։

Զգուշանալ հրամայէ կանոնքս՝ ոչ վայրապար զոք, որ չիցէ վարձկան եւ կամ այլ աւրինակաւ իւր, ի գործ առաքել, զի արեան դատաստան հրամայէ վնասելոցն լինել։

Եւ այդ ցուցեալ է դատաստան հոգեւորապէս եւ մարմնաւորապէս։ Սակայն քննութիւն լիցի աւրինակի առաքողին երախտեաց եւ պատահման մահուն կամայի եւ ակամայի։