Բանաստեղծութիւններ

ՖԻԶԻԿԱՅԻ ՔՆՆՈՒԹԻՒՆ
Նուեր Անանիա Սուլթանշահի

Հասաւ մեծ ուրախութիւն`

Ֆիզիկայի քննութիւն,

Շուտով գնանք մենք ատեան,

Ֆիզիկից տալ պատասխան:

Ով մեզանից չգիտէ,

Չգնալ լաւ կարող է,

Այդ այնպէս մի թոյլ մեղք է,

Որ յանցանքի կարգում չէ:

Թէ չեն նստել գլխումդ

Ցոլացմունքը շողերին:

Ուսիր գոնէ հոսանքը,

Ինչ որ գտաւ Գալուանին:

Թէ ջրերի կամ օդի

Ծանրութիւնը չգիտես,

Իմացի՛ր, որ ջոկ-ջոկ տեղ

Նոքա կշռում են պէս-պէս:

Թէ մոռացար բեւեռը,

Միտքդ բեր այրած գօտին.

Կամ ուժաչափ գործիքը,

Դինամօմետր երկաթին:

Բայց թէ պրծանք այս անգամ

Գոնէ՛ կոտրած երեքով,

Այլ յաւիտեան չենք տեսնիլ

Հայլին իւրեան ֆոկուսով: