Նամակներ (1884-1915)

126. [ՄԻՆԱՍ ՉԷՐԱԶԻՆ]

[Կ. Պոլիս], 15/28 հոկտ. 1908

Յարգելի Ատենապետ Ազգ. Երեսփոխանական Ժողովի,

Բիւզանդիոնի մէջ անցեալ օր հրատարակուած յօդուած մը մեծ վրդովում յառաջ բերաւ համօրէն Ազգին եւ երեսփոխաններու մէջ:

Պոլսոյ կաթողիկոսական պատգամաւորը յայտարարեր է Բիւզանդիոնի խմբագրին որ իր ընտրելին Ամեն. Իզմիրլեան Սրբազանը չէ:

Ազգ. Երեսփոխանական Ժողովին միաձայնութեամբ եւ ծափահարութեամբ տուած բացարձակ հրահանգին հակառակ է այս յայտարարութիւնը եւ անհաւատալի կը թուի: Բայց իզուր սպասեցինք հերքումի մը որ մինչեւ ցարդ չերեւաց լրագրաց մէջ:

Այս պայմաններուն մէջ կ՚ուզեմ որ մեր պատգամաւորը բացատրութիւններ տալ յօժարի եւ հանդարտեցնէ մեր միտքերը:

Մնամ յարգանօք

Ազգ. Երեսփոխան`

Գ. ԶՕՀՐԱՊ