Նամակներ (1884-1915)

200. ԿԼԱՐԱ ԶՕՀՐԱՊԻՆ

[Վիսպատէն, 29 օգոստոս, 1911]

Երեքշաբթի կէսգիշեր

Անուշիկ հոգիս,

Հիմա այստեղի թատրոնէն կը վերադառնամ կոր: Էն նոր opéraներէն մէկը ներկայացուցին. Madame Butterfly. Վահանս գիտէ ատոր մէկ քանի մասերն. ալ ամեն մարդ եւ կարծեմ թէ Տօլլին ալ կը չալէ կոր: Ես այսչափ նէ աղուոր musique, նէ անոյշ ձայն, նէ սիրուն (1 ա. ) լսած եւ տեսած չէի: Հոս գալէս ի վեր առջի գիշերն է որ 2 ¹ / ₂ ժամ աղուոր անցուցի: Բայց գիրքին միւս երեսը. առանց ցաւի ուրախութիւն չի կայ: Քանի օր է աչքիս մէկ անկիւնը կը ցաւէր կոր. ես autoով գացած միջոցնուս քար մը դպեր է կ՚ըսէի: Այս գիշեր ուշադրութիւն ըրի. աչքի խափախին միւս ծայրը անցեր է ցաւը. այստեղ այս rhumatismeը շատ կայ. ես շաշիներուն վրայ կը խնդայի կոր: Տեսնենք վերջը:

Շատ մը պաչիկներ`

Գ. ԶՕՀՐԱՊ