Հայերէն Յիշատակարաններ

***

ԱՒԵՏԱՐԱՆ (յունարէն)

«Հանդէս ամսօրեայ», 1908թ, էջ 220-221

Գրիչ` Վասիլ րաբունապատ

Վայր` Կեսարիա

ա

<166a> Փառք Աստուծոյ յաւիտեանս յաւիտենից, ամէն:

Գրեցաւ եւ կատարեցաւ Աւետարանս ձեռամբ իմով Վասլի դպրապետիս ի Մելիտինոյ որդւոյ Առեստի քահանայի, թվին ՈՀԵ (1226), յամսեան մայիս, ի պէտս իմոյ եւ յիշատակ հոգոյ, ի կամս Քրիստոսի:

բ

<165b> ԶՎասիլ գրիչ յիշեսջիք առ Քրիստոս, զի եւ դուք յիշեալ լիջիք:

գ

(Թարգմանութիւն յունարէն յիշատակարանի)

<166a> Աւարտեցաւ չորք Աւետարանք քարոզողացն Աստուծոյ, մեծացն չորիք աւետարանչացն Մատթէոսի, Մարկոսի, Ղուկասի, եւ Յովհաննու, ձեռամբ իմով Վասլի դպրապատի Մելիտինցւոյ, որդւոյ Ովրէստէսի քահանայի, ի ժամանակին յորժամ նուաճեաց մեծն սուլթան Քեյկարադ, որդին Ղիաթեդինի Քեյ Խոսրովու զՅունաստան, զՀայաստան, զԱսորիս եւ զամենայն տեղիս եւ զգաւառս Թուրքեստանի եւ զծովու, մինչեւ ի մեծն Կեսարիա: Եւ որք հանդիպիք այսմ Աւետարանիս կամ օրինակէք կամ ընթեռնուք, յիշեսջիք զիս զբազմասխալս զՎասիլ, եւ զծնողս իմ ի Տէր հանգուցեալ` զՈվրեստէս քահանայ եւ զմայրն իմ զՍոփիա, եւ ընդ այսր ողորմեսցի ձեզ ամենեցուն ամենասուրբն Աստուած, պահեսցէ անվնաս իւրով մարդասիրութեամբն, այժմ եւ միշտ եւ յաւիտեանս յաւիտենից, ամէն:

Գրեցաւ ի թուին աշխարհի ՑՉԼԴ (1226) եւ յինդիկտիոնի ԺԴ, յամսեանն մայիսի Ա (1):