Հայերէն Յիշատակարաններ

***

ՃԱՌԸՆՏԻՐ

Երեւան 6196

Գրիչ` Ներսէս

Վայր` Աւագ վանք

ա

<46a> Քրիստոս Աստուած բարեխաւսութեամբ սուրբ վկայիս ողորմեա Վարդան վարդապետի, որ յառաջարկու եղեւ ձեռնամուխ լինել ի գիր գրոցս: Ողորմեա Տէր նմա եւ ծնաւղաց նորա կենդանեաց եւ մեռելոց, եւ քեզ փառք յաւիտեանս, յաւիտեանս, ամէն:

բ

<58a> Սուրբդ Աստուծոյ աւգնեա Սոսթենէս քահանայի, որ զպաստեղս եբեր մեզ:

գ

<91a> Քրիստոս Աստուած բարեխաւսութեամբ սրբոց քոց վկայիցն ողորմեա Ղազարու վարդապետին յաւուր ծագման միւս անգամ գալստեանն քոյ յայնմ ահեղ ատենին, ուր բանք սպառին եւ գործք թագաւորեն: Տէր աղաչեմ ողորմեա նմա եւ ծնողաց նորա, ամէն:

Ողորմեա, Տէր եւ Վարդան վարդապետի, ստացողի սուրբ գրոցս, եւ յառաջարկողի ի գործ աստուածային մատենի, եւ ձեռնասուն մանկանց Փիլիպոսի եւ Աստուածատրի մանկանց սուրբ եկեղեցւոյ, ամէն:

դ

<103b> ԶՓիլիպպոս սուրբ եւ ընտրեալ քահանայ յաղաւթս ձեր յիշեսջիք, որ զտաք զդոնս եբեր: Տացէ նմա Տէր Աստուած զհանդերձեալ փառսն ընդ ամենայն սուրբս եւ ընդ սիրելիս անուանն իւրոյ, ամէն:

<120a> Քրիստոս Աստուած բարեխաւսութեամբ սուրբ ճգնաւորին Բարսամոյի եւ ամենայ սրբոց քոց թողութիւն շնորհեա Վարդան վարդապետի, ընդ նմին եւ Ղազարու սրբոյ վարդապետի եւ ծնողաց նորա, ամէն:

ե

<172a> Աղաւթիւք սորա ողորմեա Քրիստոս Աստուած Վարդան վարդապետի ստացողի գրոցս, ընդ նմին եւ Ղազարու վարդապետի եւ Աստուածատրի եղբաւր նորին եւ ծնաւղաց նոցա ողորմեա Քրիստոս աստուած, ամէն:

զ

<187b> Զարմանամ ընդ սքանչելիս, բայց Աստուծոյ ամենայն ինչ կարելի է, որ ի ձեռն սրբոց իւրոց ներգործէ, նմա փառք յաւիտեան:

է

<188b> Ստացեալ նիւթս անմեղադիր լերուք ըստ հանդիպման ժամանակիս, ո՜վ եղբարք:

ը

<189a> Քրիստոս Աստուած բարեխաւսութեամբ սրբոյն գէորգեա եւ ամենայն սրբոց քոց ողորմեա Վարդան վարդապետի եւ եղբաւր նորա Դաւթի եւ ծնողաց նոցա` աստ եւ ի հանդերձեալ ապագային, որ բանք սպառին եւ գործք թագաւորին: Յայնմ աւուր ողորմեա նոցա մարդասէր Քրիստոս, այլ եւ աշխատողացն ամենեցուն, ամէն:

թ

<196a> Տէր Աստուած ողորմեա Գրիգորի կտաւագործի եւ ծնողաց նորա, ամէն:

ժ

<202a> Աղաչեմ զընթերցողսդ եւ զլսողսդ զՎարդան վարդապետ` նմանեալ Զաւրաբաբելի եւ Յովսեդեկա քահանայն, յաղաւթս ձեր յիշել, եւ Աստուած զձեզ յիշեսցէ յիւրում արքայութեանն, եւ նմա փառք յաւիտեանս, ամէն:

ժա

<273b> Քրիստոս Աստուած սուրբ բարեխաւսութեամբ սրբոց մարտիրոսացս, որքվասն անուանդ քո հեղին զպատուական սուրբ զարիւնս իւրեանց, ողորմեա Վարդան վարդապետին մտացողի սուրբ գրոցս, ընդ նմին եւ Ղազարու` իմոյ վարդապետի, եւ ծնողաց նոցա:

ժբ

<277b> Տէր Աստուած Յիսուս Քրիստոս, աղաւթիւք սրբոցն Երմոնի ողորմեա Յովաննէս քահանայի եւ գրչի եւ ծնողաց նորա, այլ եւ Եփրեմի մանկագոյն քահանայի, որ հայցեցին գրիւ ի Քիրքս: Տէր փրկեա զնոսա եւ ողորմեա նոցա:

ժգ

<285b> ԶԱտոմ պատուական քահանայ եւ զծնողսն նորա յաղաւթս ձեր յիշեսջիք, ո՜վ մանկուք Նոր Սիոնի, որ ի կոկելն աւժնտակեաց բազում աշխատութեամբ:

ժդ

<308b> Քրիստոս Աստուած աղաւթիւք եւ բարեխաւսութեամբ սրբոյ քահանայապետին Թեոդորիտեա, ողորմեա Վարդան վարդապետի եւ Գրիգորի կտաւագործի, որ աւգնական եղեւ ի գիրքս ըստ չափու կարեաց, ամէն:

ժե

<328a> Աւգնեա ինձ անբարբառ բարեխաւս:

ժզ

<329b> Քրիստո'ս աւգնեա Ատոմ քահանայի եւ ծնողաց նորա, եւ փրկեա յաւիտնական հրոյն, որ զթուղթս կոկեաց, ամէն:

ժէ

<234b> Զպատուական քահանայն Վարդան մեծ եւ անուանի, էրեց լիեալ համաշխարհական կաթողիկէ եկեղեցւոյ, եւ զբարեպեշտ երիցակինն իւր յաղւթս ձեր յիշեսջիք:

Այլ եւ զպարոն Ստեփաննոս պատուեալ եւ մեծարեալ յԱստուծոյ եւ ի մարդկանէ, հանդերձ ամուսնաւն իւրով, յիշեցէք ի Քրիստոս: Տէր Աստուած ողորմի նոցա եւ ծնողացն նոցա, յաւր մեծի գալստեանն իւրոյ: Զտառապեալ գրողս յիշեցէք:

ժը

<371b> Քրիստոս Աստուած, աւգնեա Տիմոթեա քահանայի, որ զթուղթս լաւ է կոկեալ, եւ փրկեալ զնա ի սատանայէ, ամէն:

ժթ

<387b> Ո՜վ ամենագով երջանիկ սուրբ վկայուհի Մարիանէ, ըստ քումդ խնդրոյ աղաչեա զՔրիստոս ողորմութիւն շնորհել վասն սուրբ չարչարանաց քոց Վարդան վարդապետի, ընդ նմին եւ Ղազարու վարդապետի իմոյ, ընդ նմին Աստուածատրու եւ Փիլիպպոսի եւ Տիմոթի, եւ տնտեսին Խաչատրոյ եւ Գինէպետ միայնակեցին, ընդ նոսին Ներսէսի սուտանուն գրչի եւ ծնողաց ամէն, ամէն:

ի

<404a> Քրիստոս Աստուած բարեխաւսութեամբ սրբոյ վկային Մինասի ողորմեա Վարդան վարդապետի ստացողի գրոցս, ընդ նմին եւ հայր Կարապետին, սուրբ եւ ընտրեալ եւ պատուեալ կրաւնաւորին եւ հմուտ եւ յառաջադէմ յարհեստ գրչութեան: Ընդ նմին յիշեա Քրիստոս զԹադեոս հայր Խարձի անապատին, թող Տէր զյանցանս նոցա, եւ ողորմեա յամենայնի մեծի գալստեան քո, ամէն:

իա

<407a> Ի յիշատակի սուրբ հայրապատացս յիշեցէք աղաւթիւք բարեխաւս ունելով զսուրբսն, զամենայն առաքինութեամբ եւ բարի վարուք զարդարեալ զՂազար վարդապետն իմ եւ զնորին ծնողսն, ո՜վ պատուական եղբարք:

իբ

<465b> Արդ աղաչեմ զամենեսեան, որք կարդայք զսուրբ եւ զգերահռչակ կտակս, վարդապետն Վարդան յաղաւթս ձեր յիշեսջիք, ո՜վ պատուական հարք եւ եղբարք, եւ Աստուած զձեզ յիշէ:

իգ

<498b> ԶԽաչատուր անտեսն յիշեցէք ի Քրիստոս, զի եւ նմա ողորմեսցի Քրիստոս, ամէն:

իդ

<548a> Զստացո սուրբ գրոցս զՎարդան սուրբ գերահռչակ վարդապետ յաղաւթս ձեր յիշեսջիք, ընդ նմին եւ զՂազար վարդապետն իմ եւ զծնաւղս նորա աղաչեմ:

իե

<571b> ԶԱտոմ քահանայ յիշեսջիք յաղաւթս ձեր, որ բազում ջանիւ, եւ աշխատութեամբ կոկեաց զքարտէզս: Քրիստոս Աստուած ողորմեա նմա եւ ծնողաց նորա, ամէն:

իզ

<574> Զմանկունք եկեղեցւոյ սրբոյ զԱստուածատուր եւ զՓիլիպպոս եւ զՏիմոթ, որ ի կոկել քարտիզին աւժանդակեցին, յաղաւթս ձեր յիշեցէք: Տէր Աստուած աւգնեցէ նորա եւ փրկեսցէ ի հաղթից թշնա(մ)ոցն, ամէն:

***

ՃԱՌԸՆՏԻՐ

Երեւան 3779

Ստացող` Տուրք

Վայր` Աւագ վանք

ա

Փառք քեզ անեղանելիդ Աստուած, անսկիզբն Հայր, արարիչ բոլոր գոյից եւ ամենայն եղելոց: Փառք քեզՈրդիդ միածին, արարչակից Հաւր եւ Սուրբ Հոգւոյդ փրկիչ ազգի մարդկան, Տէր մեր Յիսուս Քրիստոս: Փառք քեզ ամենասուրբ Հոգի փառակից Հաւր եւ Որդւոյ եւ Աստուած բոլորից:

<545a> Փառք գոհացողական աւրհնութեամբ ի բարձունս երից անբաւից, անբաւ բնութեան համազգոյ տէրունեանդ եւ միաստուածութեանդ Հաւր եւ Որդւոյ եւ Հոգւոյդ սրբոյ, որ արարչական սիրո գթաս ի վերայ խնդրողաց զքեզ, եւ լինիս առատապարգեւ, որք հայցէն ի քէն: Որ եւ զմմեզ անարժանս արժանի արարէր հասանել փափագման տենչալի այսմ հոգեւոր ստացուծոյս, եւ զաւրացուցէր ի կատարումն ածել զբաղձանս սրտի` յաւարտումն այսմ տառի:

Արդ, ընկալ մարդասիրապէս ի հաճոյս կամաց քոց զջան եւ զվաստակ աշխատասէէր գործոյս, զոր յանուն քո աւարտեցաւ զգերապայծառ սրբոց քո զճառս վկայական հանդիսից, զնահատակութիւն ճգնութեան մարտից արեամբ կատարելոցն, խոստովանողացն զաստուածութիւնդ քո, որ ընդունելոց են ի քէն զպսակն անապական եւ զանվախճան կեանսն ի փառաւոր քո գալստեանն: Եւ մեզ ողորմութիւն շնորհեա յայնմ մեծի աւուրն բարեխաւսութեամբ համագումար ընդ աջմէ քում դասելոցն գթասցիս ի մեզ եւ յամենայն սիրող սրբոց քոց: Եւ քեզ երկրպագութիւն եւ փառք յերկնաւորաց եւ յերկրաւորաց եւ յամենայն գոյից, այժմ եւ յաւիտեանից:

Եւ ձեզ, ո՜վ առաքեալք սուրբք, հայրապետք եւ վկայք Քրիստոսի, գոհաբանութիւն եւ աւրհնութիւն ի մերմէ տկարութենէս, գերապայծառ ճառագայթք արփիափայլ լուսովն առ լցեալք, գանձք աստուածայնոյն ամբարեալք յերկինս յանեղաշէն բնակութիւնս անճար լուսոյն, որ աւժանդակ եղէք մեզ այսմ հոգեւոր աշխատութեանս յաւարտումն հասուցանել զձեր հանդիսական ձգնութեանցդ եւ զյաղթող նահատակ[ու]թեանցդ զպատմութիւնս ժողովել ի միասին ըստ կարի սերում, որ ի վերայ աստուածատուր աւրինացն կրեցէք եւ անտանելի չարչարանացն համբերեցէք, խաչակից եղեալ որդւոյն Աստուծոյ, հիմն եւ հաստատութիւն եկեղեցւոյ եւ պարծանքքրիստոնէից, ւ(եւ բարեխաւս ամենայն աշխարհի առ քրիստոս, եւ ընդ նմա թագաւորելոց էք մեծապանծ պարծանաւք ի փառս անվախճանս: Աղաչեմք զձեզ գթութեամբն աստուծոյ մի անտես առնէք զմեր սակաւ սատարութիւնս, զջան եւ փափա[գան]աց երկր <545b> ան սիրելոյ զձեզ\\\ առաքեցաք\\\ զգովեալ ի \\\ձեր ցանկալի կատարման ի մխիթարութիւն եւ ի յոյս գնացելոց \\\ սիրո հաւատացելոցս\\\ ստանալ վկայաբանութիւնս ձեր եւ տացէ վարձս բարեաց եւ ընթերցողոց եւ լսողաց զղջմամբ եւ երկիւղիւ Տեառն, զի ամենեքեան գտցուք ողորմութիւն յարարչէն մերմէ եւ փրկչէն, որ է աւրհնեալ յաւիտեանս յաւիտեանից:

Արդ, ի թուականութեանս Հայոց ՈՀԶ (1227), ես նուաստ ծերս եւ անպիտան ծառայս Աստուծոյ Տուրք անուն կոչեցեալ, ի լուսաւորութենէ սրբոյ աւազանին, ցանկացող եղէ վարուց եւ պատմութեանց սրբոց հարցն եւ հայրապետացն եւ ճգնազգեաց մարտիրոսացն, եւ վկայիցն Քրիստոսի, մանաւանդ սրբազան աշակերտաց Տեառն մերոյ Յիսուսի Քրիստոսի, որք զանազան եւ անտանելի տանջանաւք կատարեցին զընթացս իւրեանց ի հաճոյս կամացն Աստուծոյ, որպէսզի աղաւթիւք սոցա եւ բարեխաւսութեաբ արժանի լիցուք մասին ժառանգութեան սրբոցն ի լոյս, վասն որոյ ստացա զսա յարդեանց իմոց, եւ յիշատակ բազմամեղ անձին իմոյ, եւ ծնաւղաց եւ եղբարց իմոց ի Քրիստոս ննջեցելոցն:

Իսկ այսմ բարի առաջարկութեանս եղե[ւ] մեզ թելադիր եւ առիթ եւ յորդորիչ սուրբ եւ պատուական հարքս եւ առաջնորդք սուրբ ուխտիս Աւագ վանիցս` Ստեփանոս, Պետրոս, [եւ Յո]հան, որ է ի լերին Սուրբ Լուսաւորչիս մերոց, ի գաւառիս Դարանաղեաց գերադրական սուրբ մենաստանս, զարդարեալ գեղեցկաշէն սրբարանաւք եւ սպասիւք պատուականաւք, հիմնացեալք սուրբ քաւարանքս մինն յանունն Սրբոյ Աստուածածնին եւ յերկրորդն յանուն Սրբոյ Կարապետին Յովաննու, յերրորդն յանուն Սրբոց Առաքելոցն, եւ միւս եւս յանուն Սրբոյն Ստեփաննոսի նախավկայի, եւ եդի զսա ի դուռն երկնահանգէտ սուրբ քաւարանացս իբրեւ զարձան լուսեղէն, միջնորդ եւ բարեխաւս ունելով ինձ առ Քրիստոս զերջանիկ սուրբ մարտիրոսացն դասն:

Եւ արդ աղաչեմ զամենեսեան ի դէպ ժամանակի զաստուածարեալ հարսդ եւ զեղբարսդ, զմանկունս սրբոցեկեղեցւոյ ընթերցողսդ եւ զլսողսդ պատմութեանց\\\

բ

Գրիչ`

<2b> Քրիստոս Աստուած, քո անարատ եւ սուրբ ծնաւղսդ բարեխաւսութեամբ ողորմեայ մեղապարտ եւ անարժան գրողի սորա, եւ որքբարի կամաւք յիշատակի արժանի առնէն Աստուած իւր անճառ բարեացն եւ ողորմութեանն զնոսա արժանաւորեսցէ, ամէն:

գ

<170a> Բարեխաւսութեամբ սուրբ հայրապետիս եւ ամենայն սրբոց, Քրիստոս Աստուած, ողորմեայ Տրոցն հոգւոյն եւ իւր ծնաւղացն, եւ հայր Ստեփանոսի եւ իւրոցն ամենի, ամէն:

դ

<215b> Բարեխաւսութեամբ սուրբ եւ փառաւորեալ հայրապետիս եւ ամենայն սրբոց, Քրիստոս Աստուած, ողորմեայ Եղիազարու հոգիազարդ եւ աստուածաշնորհ վարդապետի` հեզոյ եւ խոնարհի եւ պատարուն ամենայն պատուիրանապահութեամբ եւ զարդարեալ ամենայն արդարութեամբ:

Շնորհեա Տէր նմա թողութիւն մեղաց, ամէն:

ե

<248b> Քրիստոս Աստուած, ողորմեաց Տրոցն հոգւոյն` բարեխաւսութեամբ այս սուրբ մարտիրոսացս, եւ Եղիազարու ընտրեալ վարդապետի: Տէր ընկալ զհոգիս նոցա յաւիտեանս սրբոց քոց:

զ

<370b> Քրիստոս Աստուած, ողորմեսցի ստացողի գրոցս Տուրք միակեցի, եւ ամենայն աշխատողացն ի սմա, եւ հայր Ստեփանոսի, եւ ամենայն միաբանաց եղբարց, որ յԱւագ վանքն` կենդանեաց եւ մեռելոց, եւ որք կենդանի լինի լինելոց եւ ի դէպ ժամանակի, ամէն:

է

<381a> Զստացող սուրբ գրոցս զՏուրք միակեացն եւ զսպասաւորք ուխտին Աւագ վանիցն:

ը

գրիչ` Կարապետ

<2a> Ստացողի գրոցս Տուրք միակեցի ողորմեա մարդասէր Աստուած եւ շնորհեա թողութիւն մեղաց եւ յանցանաց, ամէն:

թ

<94b> Զստացող սուրբ կտակիս զՏուրք միայնակեացն յաղաւթս յիշեսջիք ընդ նմին եւ զհայր Ստեփանոս եղբարք իւրովք` հանդերձ ամենեքումբք, որք աշխատեալ են ի գիրքս յայս, որոց ողորմեսցի Քրիստոս Աստուած աղաթիւք եւբարեխաւսութեամբ ամենայն սրբոց, ամէն:

ժ

<392a> Ողորմեա Քրիստոս Աստուած Տուրք միակեցին եւ զամից իւրոց, ընդնմին եւ հայր Ստեփանոսի եւ եղբարց եւ միաբանաց իւրոց, նա եւ աշխատղացն ի սմա, Կարապետին, Ղազարու եւ Ներսիսի, ամէն:

ժա

<398a> Տէր աստուած ողորմեա Տուրք միակեցին եւ ջնջեա զձեռագիր յանցանաց նորա, ընդ նմին եւ աշխատողաց գրոցս, եւ հայր Ստեփանոսի եւ միաբան եղբարցն, որ յԱւագ վանքին` կենդանեաց եւ մեռելոց, ամէն:

ժբ

<491> Զստացող սուրբ գրոցս զՏուրք միայնակեացն եւ զծնաւղսն իւր յիշեսջիք ի սուրբ աղաւթս ձեր, ընդ նմին եւ զհայր Ստեփանոս, եւ զեղբարսն իւր զՅովհան եւ զՊետրոս, եւ զայլ միաբանեալսն ընդ նոսա, եւ զանպիտան գրիչս:

ժգ

<429b> Տէր աստուած ողորմեա Տրոց միայնակեցի եւ ծնողաց նորա` ստացողի գրոցս, ընդ նմին եւ հայր Ստեփանոսի եւ եղբարց նորա, եւ ծնողաց նոցա եւ գրչի անպիտանի` Կարապետին եւ Ղազարու վարդապետին, եւ եղբաւր իւրոյ Աստուածատրին` սպասաւորաց Սուրբ Լուսաւորչինանապատին, որք զգիրքս աւարտեցին:

Քրիստոս Աստուած աղաւթիւք սրբոց քոց վկայիս շնորհեա թողութիւն մեղաց եւ յանցանաց ամենեցուն ի սմա վերագրելոցս, ամէն: եւ զիս զնուաստ աշակերտս եւ զտխմար գրիչս յիշեա մարդասէր Տէր ամենակալ, եւ զձեզ զամենեսեան աւրհնեսցէ Տէր Աստուած, այն որ աւրհնեալ է յամենայ յարարածոց, ամէն:

ժդ

<501> Զստացող գրոցս զՏուրք միայնակեացն եւ զծնողսն իւր յաղաւթս յիշեսջիք, ընդ նմին եւ զվարդապետս իմ զՂազար եւ զԱստուածատուր, ո՜վ եղբարք:

ժե

<525b> Արքային աւգնեա Քրիստոս, որ եբեր զտետրերս ի Սուրբ Գրիգորոյ յանապատէս` յԱւագ վանքն, Աստուած ող[որմի]:

ժզ

<52a> Քրիստոս Աստուած, շնորհեա զկենաց բաժակն Աստուածատրոյ, զի մատոյց մեզ զուրախարարն բաժակ յայսմ ժամու: Տէր Աստուած շնորհեա նմա թողութիւն մեղաց եւ յանցանաց, եւ ինձ ընդ նմին, ամէն:

ժէ

<370a> Սրբոյն Յակովբայ բարեխաւսութեամբ սորա ողորմեա Քրիստոս Աստուած Տրոցն, ընդ նմին եւ ամենեցուն աշխատողացն ի սմա:

ժը

<412b> Աղաւթիւք Սրբոյն Գրիգորի ողորմեա Քրիստոս Աստուած Ղազարու, որ աշխատ եղեալ եւ ուղղեաց ըստ կարի: Տէր շնոր[հեա ն]մա հանգիստ յարդարոցն կայեանս, ամէն:

ժթ

<450b> Երկուց բիւրոցն վասն սորա ճգնութեան եւ նահատակութեան ողորմեա Քրիստոս Աստուած մեղապարտ ծառ[այ]ի քո Ղազարու, որ ուղղեաց ի կարդալն զսա:

ի

<454a> Սոցա բարեխաւսութեամբ ողորմեա Քրիստոս Աստուած Ղազարու աշխատեցելոց յուղղելն:

իա

<465b> Ողորմեա Քրիստոս Աստուած ի քեզ ապաւինեալ ծարային քո, որ ուղղեաց զսա ի կարդալն \\\ Տէր թողութիւն մեղաց եւ յանցանաց նոցա եւ Աստուածատրու եւ Գրիգորի վարդապետին, ամէն:

իբ

<117a> ԶՍոսթանես, որ զգիրքս ծաղկազարդեաց եւ զամուսին նորա\\\

իգ

<360a> Զպատանեակքս զԳրիգոր եւ զՅովհան\\\

***

ԺՈՂՈՎԱԾՈՑ ԳՈՐԾՈՑ ԳՐԻԳՈՐԻ ՆԻՒՍԱՑՒՈՅ

Երեւան 1013

Գրիչ` Սիմէոն

Վայր` Սպլէնձահան

<291b> Յամի ՑԶԼԵ-երորդի (6735=1227) յաւիտենից թուոյն գրեցաւ եւ աւարտեցաւ գիրքս Գրիգորի Նիւսացոյ եպիսկոպոսի, յ(ը)նդիր եւ լաւ աւրինակաց հնոց, որ թարգմանչացն գրած էր, ձեռամբ մեղապարտ եւ անարժան կրաւնաւորի Սիմէոնի, յերկիրս Հայւոց, մերձ ի Լաւռէ, ի վանքն որ կոչի Սպլէնձահան, թնդ հովանաեւ Սուրբ [Աստուած]ածնին, յիշխանութիւն Իվանէ աթապագին` շինողի վանիցս, զոր երկար ժամանակ արասցէ Տէր, որդովք հանդերձ:

Արդ, աղաչեմ, որք ընթեռնոյք կամ աւրինակէք, յիշման արժանի արարէք, եւ որք յիշէք, յիշեալ լիցիք ի Տեառնէ:

***

ԱՒԵՏԱՐԱՆ

Երեւան 9319 (ԺԷ դ)

Գրիչ

Վայր` Սիս

<21a> Օգնեա Յիսուս Քրիստոս եւ աջողեա, որ աւարտեմ զըսկսեալս իմ ի թվին ՈՀԶ (1227), ի Սիս: