Գիրք վաստակոց

Պարտ եւ արժան է չփոփոխել զբնակիչս եւ զտունկս լաւագոյն շինուածոցն՝ 'ի վատթարագոյն վայրս. զի ասացին ոմանք 'ի գիտնականացն, թէ չէ պարտ զբարւոք տեղեացն սովորեալ մարմինքն՝ տանել 'ի վատթարն, ապա թէ ոչ՝ վնաս մահու լինի նոցա, այլ արժան է պարոնին հայրաբար խնամել զժողովուրդն, եւ 'ի լաւագոյն տեղիս բնակեցուցանել. եւ եթէ չիցէ հնար՝ 'ի միջասահման տեղին: Զի առաջին բժշկապետքն տեղեկացեալ են եւ գրեալ ճշգրտիւ, որ պարտ է մարդկային ազգիս պատրաստ լինել 'ի փոփոխել երկրին եւ օդոցն. եւ ոչ եթէ մարդկութեան միայն, այլ եւ տնկոցն եւ անասուն կենդանեացն: