Գիրք վաստակոց

Պարտ է նայել 'ի տեղին. թէ ջերմային լինին տեղիքն՝ նա ծմակն լաւ է, եւ թէ ցրտային՝ արեգդէմն լաւ է. զի լերանց օդն ջերմայնոյն օգուտ է, եւ հարաւայինն՝ ցրտայնոյն. եւ եթէ միջավայրք լինի տեղն, նա ընդդէմ արեւելիցն լաւ է, որպէս յառաջ յիշեցաք: Բայց 'ի յայն հողմոյն որ յունարէն արիս անուանի՝ պարտ է զայգին պատրաստ ունել. եւ վասն այսորիկ զերեւելեան սահմանքն գովեցաք, զի լաւ է. քանզի այդ հողմդ յարեւելից կուսէ է եւ խռուացուցանէ եւ չոր չամիչ առնէ զբերն եւ ահոկէ: Բայց երբ յարեւմտից կուսէ լինի՝ նա արեւմտեան օդն խոնաւ է եւ լաւ, զբերն առողջ պահէ եւ զխաղողն ջրով: