Գիրք վաստակոց

Արժան է յայլ խիստ ցրտային լեառն 'ի յապրիլն առնել զյառաջասացեալ տնկելս. զի այլ անագան է 'ի ծաղկիլն եւ 'ի պլպլկելն զտերեւս. նայեաց եւ անտի ուսիր, որ յառաջ քան զծաղկելն առնես զպատրուսելն. եւ թէ ակնբցես՝ արձակ փորեա. եւ չափ մի 'ի հողոյն 'ի տակն տնկին 'ի վեր կուտեա, որ յարեւէն պահէ զտակքն: Եւ զմատղաշ այգին երկու հետ ոչ է պարտ փորել եւ ոչ ակնբցել, եւ յապրիլին փորեա զոր փորես: Եւ զնոր տունկն որ մէկ տարւոյ լինի՝ չհօտես, եւ բնաւ սուր չհասուցանես, զի լաւն այն է: Եւ զընկուզին եւ զձիթենին եւ զհապալսին՝ 'ի սոյն ժամս հօտեա, որ յորդորի պտուղն. եւ զմնջեղ ծառոյն սէրմն, եւ իւր տառ ասեն, 'ի սոյն ժամս պարտ է քաղել եւ ցանել. նոյնպէս եւ թզենին առնելի է: