Ուղեգրութիւն

ԺԲ. ՄԱՀ ՏԱՐԱԺԱՄ 1627 ԱՄԻ

Եւ մինչ յայսմ վշտի եւ տարակուսանաց էաք, անկաւ մահ տարաժամ երկրորդում ամին սաստիկ աշխարհս Լէհաց. եւ ոչ մնաց գիւղ, աւան, քաղաք առողջ ի մահվանէ. բայց առաջին մահն այլ մեծ էր։ Եւ սկսան փախչել ամենայն քաղաքաց։ Եւ  ի Լովն եւս չի մնաց մարդ եւ ոչ շէնլիք։ Եւ այս երկրորդ մահ եղեւ, որ եւ ես եղկելիս փախեայ [1] ընդ փախուցեալս յերեսաց ահի բարկութեանն Աստուծոյ առ ժամանակ մի՝ ի Րօհաթին գեղաքաղաք մի ինն մղոն հեռի Լովայ [2] ։ Եւ կացաք անդ տնով իրեք ամիս եւ շաբաթ մի, այս է Վերացման Խաչէն մինչ սուրբ Յակոբ. եւ անդ մեծաւ տրտմութեամբ եւ սգով կացեալ, մինչեւ ծագեաց առաւօտ խաղաղութեան. ամենողորմ [3] Տեառնէ մերմէ. եւ անցաւ բարկութիւնն. զոր գոհացողական փառս մատուցաք Աստուծոյ, որ փրկեաց զմեզ արժանահաս մահտարաժամէն. ապա եկաք ի տուն եւ ի բարկութիւնս մեր. փառք Աստուծոյ։